影片
更多
2017-09-05
372 浏览
今日终于我地四个未来才俊都正式番工了，系呢个咁值得庆祝的日期里，我们就当然要约出黎食个靓饭啦!!上次同屋企人黎过一次Dreamix，觉得环境,服务,食物质素都好有保证，所以今次就决定番食啦。今次我地一行四人就预约左八个菜，分别有冰镇花胶;淮山杞子响螺鸡汤;胡椒虾;昌妈妈炆猪肉; 虫草花上汤浸时菜; 甜醋鸡; 百花蜜脆鳝; 菜婆婆冬瓜。未正式上菜之前，靓靓待应仲放低左枝自家制既菊花茶俾我地，味道好清甜，入口有阵阵的花香，十分开胃。首先，就来了一道凉盘冰镇花胶，材料有花胶,青瓜,黑松露,仲有少少沙律酱。黑松露超级香，有阵阵既香菌味，配上清甜的青瓜，味道清爽! 花胶质地爽口，混合了黑松露后，味道相当开胃!!第二道菜就是呢个淮山杞子响螺鸡汤，未上汤之前就上左汤料先，鸡肉肉质依然十分嫩滑，唔会炖到老晒，可以沾少少辣椒油，味道十分刺激!! 鸡汤水准好好，味道鲜甜，而且唔会有丝丝油腻的感觉。可以一提的是，不需要马上饮晒，可以留少少到晚宴的尾声，职员会主动帮手加番热(加爆分)!!胡椒虾一人一只，想食多只都冇。胡椒味很强烈，连虾身都不可以放过呀!虾头清理的好彻底，食落既都系肉膏，虾身主厨亦都有细心处理
今次我地一行四人就预约左八个菜，分别有冰镇花胶;淮山杞子响螺鸡汤;胡椒虾;昌妈妈炆猪肉; 虫草花上汤浸时菜; 甜醋鸡; 百花蜜脆鳝; 菜婆婆冬瓜。
未正式上菜之前，靓靓待应仲放低左枝自家制既菊花茶俾我地，味道好清甜，入口有阵阵的花香，十分开胃。
首先，就来了一道凉盘冰镇花胶，材料有花胶,青瓜,黑松露,仲有少少沙律酱。黑松露超级香，有阵阵既香菌味，配上清甜的青瓜，味道清爽! 花胶质地爽口，混合了黑松露后，味道相当开胃!!
第二道菜就是呢个淮山杞子响螺鸡汤，未上汤之前就上左汤料先，鸡肉肉质依然十分嫩滑，唔会炖到老晒，可以沾少少辣椒油，味道十分刺激!! 鸡汤水准好好，味道鲜甜，而且唔会有丝丝油腻的感觉。可以一提的是，不需要马上饮晒，可以留少少到晚宴的尾声，职员会主动帮手加番热(加爆分)!!
胡椒虾一人一只，想食多只都冇。胡椒味很强烈，连虾身都不可以放过呀!虾头清理的好彻底，食落既都系肉膏，虾身主厨亦都有细心处理过，食既时候十分方便，而且经过处理后，虾肉亦都混和了胡椒的调味，总体来说，诚意十足，味道亦佳。
昌妈妈炆猪肉绝对系呢度其中一味招牌菜，肉既部分选取了玻璃腩，肥瘦分布均衡，而且肥肉都不会食到一口油，软软的，十分入味，瘦肉都炆得软软，用来送饭是一级棒!! 如果觉得油腻的，仲可以夹曼头来食，味道确实系中和起来，冇咁强烈饱肚的感觉。 值得一提的是，猪肉用左个窝去盛，下面有温火在加热，不会食到一半就酽晒油，处理相当贴心。
连续食左个味道较浓既菜，下一个菜就是味道清淡的虫草花上汤浸时菜，上汤中有不少虾干，有鲜鲜的海鲜味，此外亦都有磨菇调味，所以成个菜食起来特别清新，而且感觉食完都没有咁滞。就成个晚宴来说，有种承上启下的作用。
13 浏览
0 赞好
0 留言
甜醋鸡就可以说是带领个晚宴步向高潮的一个菜，用砂煲盛上半只鸡，上菜的时做酱汁还是滚滚的，先不说别的，就鸡肉那个肉质已经滑到令人赞叹不绝，真系一边食一边哗哗声!!!!而且个个酱汁亦都系超级岩用黎送饭，明明食到已经将饱，但是都要食多一碗饭
整个晚宴下来，百花蜜脆鳝绝对系过个菜单中的一个大惊喜，同枱既朋友个个都争著食，可以话系令人一试难忘@@ 大家一开始都以为系普通的炸物，但系咬落去，鱼皮好脆身，但系肉质好有弹性，而且味道非常鲜甜!! 而且仲有蜜糖涂在上面，十分独特! 绝对值得推介
18 浏览
0 赞好
0 留言
最后就是菜婆婆冬瓜，味道清清淡淡，有种解涨既感觉，作为一餐丰富晚宴晚最后一道菜，实在系最合适不过了。
总体来说，呢度既食物，服务，环境都十分好，而且好多细节上，都睇得出老板的诚意和用心，而且用餐时间亦没限时，朋友既聚会都可以轻松渡过，临走的时间，仲送上即影即有俾我地留念添，十分窝心!!!
张贴
