影片
更多
2021-04-05
621 浏览
特地来呢间餐厅试吓dry aged牛嘅二人套餐，庆祝一下终于可以食返晚市，呢个餐一共有八道菜，好似食自助餐咁多。Crab and lobster bisque龙虾汤有咩上嚟非常之入味，唔会过咸，最重要食落去会有一丝丝嘅蟹肉，个质感有啲唔似出面嘅龙虾汤，佢相对地会稀少少，但系龙虾味好出，好夹硬整到佢好稠咁样，感觉上冇咁Heavy。Tuna steak吞拿鱼嘅外皮有用火枪烧过，鱼身比较干身，所以配上左芒果莎莎去令到成个菜式湿润番啲，烤过嘅外皮有少少鱼油嘅烘烤味，芒果莎莎食落好清新，又甜甜地令到个味道嘅层次多咗。Oysters芝士菠菜焗蚝两只嘅份量都唔少，几时落得一啲都唔撚识，面烤焦左嘅味道令到人垂涎欲滴，芝士同菠菜好夹，食起上嚟令到个感觉冇咁油腻，多咗啲蔬菜去中和，蚝嘅火候都啱啱好，冇话缩到好细，个蚝胆又好多汁标出来，同芝士菠菜好夹。Foie gras鹅肝整到好似一口牛肉粒咁样，非常之得意，好少食到咁嘅size，而且里面一啲筋都冇非常滑溜，在捞匀只温泉蛋食，会喺鹅肝嘅油香当中再夹杂左蛋黄𠮶种黏口嘅质感，令到鹅肝嘅味道都一路黐住喺口腔入面久久不散去。Seasonal clams大蚬用咗白汤去
Crab and lobster bisque
龙虾汤有咩上嚟非常之入味，唔会过咸，最重要食落去会有一丝丝嘅蟹肉，个质感有啲唔似出面嘅龙虾汤，佢相对地会稀少少，但系龙虾味好出，好夹硬整到佢好稠咁样，感觉上冇咁Heavy。
Tuna steak
吞拿鱼嘅外皮有用火枪烧过，鱼身比较干身，所以配上左芒果莎莎去令到成个菜式湿润番啲，烤过嘅外皮有少少鱼油嘅烘烤味，芒果莎莎食落好清新，又甜甜地令到个味道嘅层次多咗。
Oysters
芝士菠菜焗蚝两只嘅份量都唔少，几时落得一啲都唔撚识，面烤焦左嘅味道令到人垂涎欲滴，芝士同菠菜好夹，食起上嚟令到个感觉冇咁油腻，多咗啲蔬菜去中和，蚝嘅火候都啱啱好，冇话缩到好细，个蚝胆又好多汁标出来，同芝士菠菜好夹。
Foie gras
鹅肝整到好似一口牛肉粒咁样，非常之得意，好少食到咁嘅size，而且里面一啲筋都冇非常滑溜，在捞匀只温泉蛋食，会喺鹅肝嘅油香当中再夹杂左蛋黄𠮶种黏口嘅质感，令到鹅肝嘅味道都一路黐住喺口腔入面久久不散去。
Seasonal clams
大蚬用咗白汤去煮，个白汤加咗香茅同埋姜，令到成件事好有趣，白汤本来系一种好西式嘅食物，加入左香茅同埋姜之后令到成个概念有少少变咗东南亚，非常之有新鲜感。蚬肉非常饱满，完全冇沙，食落好弹牙好有蚬嘅鲜味。
Whole lobster
真系原只龙虾一人一半，只龙虾有我手掌咁大，好贴心咁样敲碎咗个龙虾肶，好容易就可以搣开，龙虾嘅肉非常之弹牙，配上个芝士令到个味道又有芝士嘅香味，又有龙虾嘅鲜味，非常之夹，而且烧嘅火候啱啱好，龙虾肉一啲都唔老，虾头嘅膏味道好浓郁，好有冲动继续食落去，但系其实半只嘅份量好够好饱腹。
45 day dry age greater omaha striploin
终于到咗今晚嘅重头菜，特登嚟食嘅dry aged牛，牛身会比起一般食到嘅牛干身少少，但系牛味好出，所有牛嘅鲜味都锁住喺牛肉入面，因为冇水份嘅关系亦冇流失咗出去。相对地肉嘅质地会比较硬，所以更加讲求个熟嘅程度，太熟嘅话会好难咬开，而家虽然睇落好似好生但系其实个口感会啱啱好。
甜品方面嗌左个柚子挞同埋朱古力mousse，少少哋清清味蕾，柚子非常之新鲜，酸酸地令到成个负担细咗好多，而朱古力极都比出面食到嘅质地较为松软啲，唔会有一种好甜腻嘅感觉，作为今晚咁丰富嘅西式大餐嘅总结。
张贴
