Smokey Ice (已搬遷) 新店位置

推荐食品：吉列猪扒雪糕推荐程度：想食特别雪糕嘅一定要去试下！专程走到元朗嘅山旯旮帮衬呢间，唔系元朗山旯旮，系元朗入面嘅山旯旮！但都抵嘅，抵排队、抵未必食得到（每日限量）。讲番雪糕，吉列皮系做到应有嘅脆加韧，而且佢上碟到食嘅时候真系一个冰火交融。皮热内冷，重点系佢啲雪糕冇喺炸嘅时候溶解，所以第一件系扎实嘅，第二件系外脆内软。（同行一人两件）配件方面，Cream、士多啤梨酱则可以随量，并无特别之处，杂果偏酸。再嚟食左个窝夫，呢个亦只系有普通水平，较期望低，同埋得香气扑鼻而已。相对唔值得试，性价比偏低。