武士拉麵 (已結業)

今晚我同我个妹去咗九龙湾九展食拉面，拉面店喺九展2楼，要穿过百佳先至去到，感觉神秘。我叫咗个丰神将军拉面，有试过四国香葱油汤底。有半只温泉蛋，香葱油汤底浓度适中，拉面软硬度亦都适中，加上日本嘅叉烧，感觉好似带咗我去日本咁。我个妹叫咗个足利将军拉面，配黑蒜油猪骨汤底，见到佢𠮶碗拉面，我有少少贪心想试埋。我哋仲叫咗小食唐掦炸鸡，外面香脆，入面嘅鸡肉柔嫩。再加一个忌廉蟹肉薯饼，忌廉蟹肉好似一路食一路流出嚟咁。再加多两杯武士蜜蜜饮，一个柚子味一个柑桔味。我觉得食物质素出奇咁高，虽然地理位置比较远，但去开九龙湾，绝对可以去食下。