影片
更多
2015-12-15
1917 浏览
今年公司提早食圣诞大餐，经过一轮挑选就拣咗 JW Marriott Hotel Hong Kong 嘅 Flint Grill & Bar 。虽然系呢度食嘢唔算平，不过都系物有所值。由拣咗餐厅到去果日，最期待就系佢哋嘅 42Days dry aged rib eye， 因为唔系度度都有得食，而且价钱都唔算好贵，14oz $490, 20oz $590。出面好多普通牛扒都300起跳啦。今次系我第一次食dry-aged牛扒，味道比一般浓郁，texture 都比一般松化啲。点样形容贴切啲.....我会话好似红酒咁...个味complex 啲....再简单啲形容....我会话好似食紧chocolate mud cake 咁，好浓好香，不过如果比你一个人食晒嘅话，你就会觉得漏咗啲。 𠮶晚我哋就叫咗20oz再一齐share食。𠮶晚我哋仲食咗 Clam Chowder, Caesar Salad, Boston Lobster, Prime Tenderloin 同 个日Flint 嘅Daily special 烧魔鬼鱼。真系样样都咁好食，Clam Chowder 非常之多料，汤又滑，蚬又甜，入面仲
虽然系呢度食嘢唔算平，不过都系物有所值。
由拣咗餐厅到去果日，最期待就系佢哋嘅 42Days dry aged rib eye， 因为唔系度度都有得食，而且价钱都唔算好贵，14oz $490, 20oz $590。出面好多普通牛扒都300起跳啦。今次系我第一次食dry-aged牛扒，味道比一般浓郁，texture 都比一般松化啲。点样形容贴切啲.....我会话好似红酒咁...个味complex 啲....再简单啲形容....我会话好似食紧chocolate mud cake 咁，好浓好香，不过如果比你一个人食晒嘅话，你就会觉得漏咗啲。 𠮶晚我哋就叫咗20oz再一齐share食。
𠮶晚我哋仲食咗 Clam Chowder, Caesar Salad, Boston Lobster, Prime Tenderloin 同 个日Flint 嘅Daily special 烧魔鬼鱼。
真系样样都咁好食，Clam Chowder 非常之多料，汤又滑，蚬又甜，入面仲有蔬菜粒，味道丰富，最重要系一啲都唔漏，而且份量都好大，叫咗一碗都可以4个人分。
Caesar Salad，佢特别嘅地方就系佢上面𠮶两条鱼仔，呢两条 anchovies 同一般嘅唔同，佢唔系咸嘅，反而系酸酸地，正好同个sauce balance 番。
Boston Lobster，唔好意思喇，皮肤问题唔食得，所以唔知咩味，不过佢哋话好好食。
Prime Tenderloin，唔洗讲，一样咁正，最特别系佢哋嘅signature sauce，唔知入面有乜，不过就好好味，完全系画龙点睛！
薯条，有牛扒点可以冇薯条，呢度serve既系幼薯条，好似麦记嘅size，不过好味过麦记10倍，冇错系 10 倍！！！！够干身又够脆，仲有特别嘅seasoning，同牛扒好夹。
至于烧魔鬼鱼，好滑，不过就油咗少少，但系本身魔鬼鱼都比较多脂肪嘅，唔太特别。
成餐都咁好味，又点会少咗甜品吖。 甜品有 Profiteroles， S'more Tart, Apple Crumble. 所有嘅甜品都唔太甜，而且有唔同嘅texture，口感非常丰富。Profiteroles, 上台时会淋上朱古力酱，下面系棉花糖泡泡，会食到佢好Airy 嘅质感，但系又有啲烟靭，唔系一阵风咁。
S'more tart，有三层，好浓嘅朱古力味，好丰富嘅口感，由软淋淋嘅棉花糖，gooey嘅chocolate ganache, 到松脆嘅朱古力饼，再配好香好浓郁嘅咖啡雪糕。谂起都再想食多次，个咖啡雪糕真系好似饮紧杯咖啡咁架。
最后个apple crumble喇，挞皮好脆，切开嘅时候入面有好多汁，暖暖嘅挞配云呢拿雪糕系经典而且最完美嘅配搭，上面个块苹果好特别架，好似纸咁薄，但系又好脆，好似一块饼咁。
差啲唔记得仲有餐前个餐包，真系好好食，又软熟，外面又脆，最重要系可以refill架，所以唔好唔食个包呀，你会走宝。
呢一餐真系好好味，好满足，比起我哋平时例牌去食buffet，好好多，睇嚟以后我哋公司食饭应该都唔会食buffet噜。
张贴
