太平洋咖啡 (已結業)

未够12点约左个朋友系Pacific Coffee饮杯咖啡倾下计,再点左pork sausage roll 及 chicken & leek pie 当午餐。我地都系点mocha，平时我会要求加多shot咖啡的，但早餐已经饮左一杯咖啡，所以今次无要求额外一shot。Mocha的咖啡香带著香甜的朱古力味，又香又滑，大大杯先满呀！猪肉卷我觉得一向系Pacific Coffee稳阵之选，但今次唔合格，因为个肉饀太干，一D肉汁都无，成件感觉死实实。鸡批第一次试，但系并唔系我理想嘅味道。第一虽然加热左不过内层嘅皮已经淋左，个皮亦无我想像中带牛油浓香。饀料味道唔特出，有咸味但唔系个种白汁嘅浓香。不过，呢间Pacific Coffee Emporium真系好大间好开扬，坐系室内凉住冷气望住街外阳光一边叹咖啡一边倾计食野感觉好舒服。