影片
更多
2021-06-22
5195 浏览
今次黎到Ritz-Carlton嘅Tosca di Angelo食晚餐餐厅位于102楼 景观可以话系一流🛕因为夏天嘅日照时间比较长所以我地6:30去到可以一次欣赏晒日头 日落 同埋夜景🌃一次过满足晒三个愿望除左景色迷人之外餐厅嘅装修都好有气派Tosca di Angelo系米芝莲一星餐厅服务质素非常出色除左有每道菜色嘅介绍之外💁🏻waiter仲会系换碟嘅时间为客人清理枱上嘅食物碎令客人可以干干净净咁用餐🙈.餐厅嘅主厨黎自西西利岛🏝佢最擅长烹调海鲜料理所以今晚嘅食材都以海产为主🐠最先送上嘅系四款Amuse-bouche每款都整得好精致其中三件系挞 挞皮松脆 几好食.长条形嘅系茄子挞馅料非常creamy 茄子清甜 非常清新系笔者最钟意嘅一款☺️.方形嘅系番茄挞🍅番茄带有微酸 有啲香料味 非常开胃.圆形嘅系蟹肉挞蟹肉分量好多 富有鲜味🦀️另外一款Amuse-bouche系三文鱼子碗三文鱼子份量好多 充满咸香下面有加入瓜类制成嘅清爽酱汁刚好可以中和三文鱼子嘅鲜味.哩道菜嘅匙羹系用贝壳做成可以防止金属影响鱼子嘅味道连餐具都落左心机真系非常贴心.Amuse-bouche已经咁出色令人非常期待后面嘅菜色
餐厅位于102楼 景观可以话系一流🛕
因为夏天嘅日照时间比较长
所以我地6:30去到
可以一次欣赏晒日头 日落 同埋夜景🌃
一次过满足晒三个愿望
除左景色迷人之外
餐厅嘅装修都好有气派
Tosca di Angelo系米芝莲一星餐厅
服务质素非常出色
除左有每道菜色嘅介绍之外💁🏻
waiter仲会系换碟嘅时间为客人清理枱上嘅食物碎
令客人可以干干净净咁用餐🙈
.
餐厅嘅主厨黎自西西利岛🏝
佢最擅长烹调海鲜料理
所以今晚嘅食材都以海产为主🐠
最先送上嘅系四款Amuse-bouche
每款都整得好精致
其中三件系挞
挞皮松脆 几好食
.
长条形嘅系茄子挞
馅料非常creamy 茄子清甜 非常清新
系笔者最钟意嘅一款☺️
.
方形嘅系番茄挞🍅
番茄带有微酸 有啲香料味 非常开胃
.
圆形嘅系蟹肉挞
蟹肉分量好多 富有鲜味🦀️
另外一款Amuse-bouche系三文鱼子碗
三文鱼子份量好多 充满咸香
下面有加入瓜类制成嘅清爽酱汁
刚好可以中和三文鱼子嘅鲜味
.
哩道菜嘅匙羹系用贝壳做成
可以防止金属影响鱼子嘅味道
连餐具都落左心机
真系非常贴心
.
Amuse-bouche已经咁出色
令人非常期待后面嘅菜色☺️
餐厅提供sourdough 作为餐前面包
面包上枱微暖 带有酸种同小麦嘅香气🌾
哩间餐厅嘅一大特色
系可以自己选择橄榄油🫒
我拣左一款味道比较fruity嘅橄榄油
味道清清地 唔会好浓
可以提出酸种嘅味道
我自己非常钟意
.
哩间餐厅嘅sourdough外皮非常香脆
入面软棉有弹性 非常好食！
面包爱好者一定唔可以错过🍞
.
餐厅提供2个Dinner Set
分别以时令嘅芦笋做主题嘅Minuetto Menu
同埋供应餐厅最出色菜色嘅Ricordi Menu
我地今次试左Minuetto Menu
Minuetto Menu嘅前菜系
Provence White Asparagus with Hokkaido Sea Urchin and Cherry Tomato Confit
哩道菜用煎香嘅时令白芦笋做主角
配上鲜北海道海胆做成嘅酱汁
加上油渍车厘茄做点缀
.
白芦荀冇渣 味道鲜甜多汁
海胆酱汁富有鲜味
除左酱汁仲食到好多海胆肉 非常足料
油渍车厘茄甜中带酸 可以中和海胆嘅油腻感
系个非常平衡嘅食材配搭
第二道菜系
White Asparagus Risotto with Sardinia Mullet Bottarga and Sicilian Sun-dried Bell Pepper
哩道菜系用乌鱼子整成嘅意大利饭
乌鱼子偏咸 所以整个义大利饭都比较浓味
比较适合重口味嘅朋友 我自己就麻麻地
.
不过 面头嘅白芦荀超级清甜！
冇左海胆抢味 哩道菜更食到白芦荀嘅鲜味❤️
主菜系
Seared Red Star Grouper with Duo of Green Asparagus, Shallot and Fresh Dill
哩道菜非常特别
用左西餐较少会选用嘅红星斑做食材
红星斑肉质比较结实 🐟
煎过之后外皮香脆
配上小茴香等香料
味道出奇地夹👍
.
蒸嘅斑鱼就食得多
煎嘅真系第一次食
哩道菜真系几令人惊喜🙈
海鲜果然系主厨嘅拿手菜😛
终于黎到甜品时间
White Asparagus and Rhubarb Confit with Almond Pannacotta and Green Apple Sorbet
哩道甜品嘅用料好特别
用左切片白芦笋 同埋经过腌制嘅切片大黄
加上杏仁奶冻 青苹果雪芭 同埋脆窝夫🍏
.
第一次咁样食白芦笋 口感非常清爽
不过大黄片同青苹果雪芭味道过酸
连钟意食酸嘢嘅笔者都觉得太酸😖
另外杏仁奶冻质感太实 杏仁味唔太明显
虽然系配搭创新 摆盆精美
但味道上真系有少少扣分🥲
.
成个menu都唔错
但最后嘅真系令人有少少失望
张贴
