El Cerdo (大壩街) (已結業)

今日喺荃湾西附近揾嘢食，行到喺荃湾广场隔离嘅一条街，见到有一间西班牙西餐厅装修唔错，而且happy hour买一送一，于是入去试下。 入面装修几有格调，放满唔同种类嘅酒，而且坐得几舒服。 坐低之后我叫咗个炸黑毛猪火腿球，鲜蕃茄蓉焗法包，脆皮猪腩肉配蜂蜜蛋黄酱，同慢煮西班牙八爪鱼配薯仔酸豆。 过咗一阵先番茄蓉焗法包送上，上面有五块法包，分量刚刚好可以一口吃掉，味道酸酸地几开胃。 之后系炸黑毛猪火腿球，有四粒，每粒都炸到金黄色，切开入面有好多黑毛猪火腿肉粒。 跟住系脆皮猪腩肉配蜂蜜蛋黄酱，总共有两嚿，猪腩肉烧得啱啱好，啲皮好爽脆，啲肉都好入味。 最后系慢煮西班牙八爪鱼配薯仔酸豆，总共返咗又五嚿，每嚿都系薯仔喺底中间系八爪鱼上面系酸豆，八爪鱼几新鲜，陪上酸豆味道好特别。