SMILEY CAFE with eGG (已結業)

今晚同朋友o系朗豪坊睇戏，未到入埸既时间，我哋一于去揾下食医下肚仔先，用 Openrice search下附近有咩好西食咁啦，比我哋揾到10楼有间笑哈哈餐厅，隔离仲有得睇下眼镜咁，又几得意㖞。我哋叫左「香煎肉眼扒配薯条」， 肉眼扒可能煎得稍为过熟，有点韧身及加上有点筋，咬得牙仔有点辛苦，同埋唔系太方便，因为会痴牙。「卡邦尼意粉」意粉既韧度刚刚好，不过略为不太够味，可能芝士和忌廉都不太足够吧，烟肉亦过了火喉，比较硬。不过胜在环境气氛够轻松欢愉，颜色好丰富，店内的餐具、Menu、摆设、四周围都系笑哈哈和以黄色为主大前题，这个一进餐厅内就已经可以感受到。食完饭仲可以过隔离睇下眼镜，买下战利品咁，都相当唔错喔。