影片
更多
2021-10-29
95 浏览
话说呢间餐厅我唔系第一次食，咁啱同我食𠮶个人亦都唔系第一次食～🤭🍴但系我哋两个一齐食呢间餐厅就系第一次～🥴我系一个注重完整性嘅人，所以由soup同starter开始，一直食到dessert系好基本。😂😂 不过要多谢肯同我一齐癫嘅𠮶个人！☺牛肝菌忌廉汤🍄🍄有汤饮湿湿个口先系开心嘅😃️。偏爱忌廉味嘅我，觉得佢忌廉系落得够嘅～咁当然牛肝菌先系主角啦～ 见到、饮到都系足料㖞～～饮饮吓都真系会见到一粒粒嘅菇菌粒，再加埋焗到脆身嘅法包片点一点汤嚟食，成件事好perfect!!Parma Ham配蜜瓜片🥓一向Parma Ham就好似中式腊味咁，你唔配返啲嘢嚟食就会变得好咸同劲重油腻感！至于蜜瓜片永远都系佢最好嘅拍档，甜甜嘅蜜瓜鲜味中和咗Parma Ham嘅油腻感，夹埋咸咸甜甜又系一个perfect match!! 香烤猪鞍扒🍴咁猪鞍扒亦都唔系第一次食，但系佢grill得块扒面好好，𠮶啲一格格嘅pattern，至少会令你觉得块扒系好食嘅～ 唔会话烤得太干⋯⋯😌咁食落系仲有肉汁嘅～ 唔会话整到过熟！仲有好赏心悦目嘅蜜糖芥茉酱同应该系（蒜头🧄？！）伴碟，望落去系好睇嘅～ 同我一齐食𠮶个人话⋯⋯切落个样好似食
我系一个注重完整性嘅人，所以由soup同starter开始，一直食到dessert系好基本。😂😂 不过要多谢肯同我一齐癫嘅𠮶个人！☺
牛肝菌忌廉汤🍄🍄
有汤饮湿湿个口先系开心嘅😃️。偏爱忌廉味嘅我，觉得佢忌廉系落得够嘅～咁当然牛肝菌先系主角啦～ 见到、饮到都系足料㖞～～
饮饮吓都真系会见到一粒粒嘅菇菌粒，再加埋焗到脆身嘅法包片点一点汤嚟食，成件事好perfect!!
Parma Ham配蜜瓜片🥓
一向Parma Ham就好似中式腊味咁，你唔配返啲嘢嚟食就会变得好咸同劲重油腻感！至于蜜瓜片永远都系佢最好嘅拍档，甜甜嘅蜜瓜鲜味中和咗Parma Ham嘅油腻感，夹埋咸咸甜甜又系一个perfect match!!
香烤猪鞍扒🍴
咁猪鞍扒亦都唔系第一次食，但系佢grill得块扒面好好，𠮶啲一格格嘅pattern，至少会令你觉得块扒系好食嘅～ 唔会话烤得太干⋯⋯😌咁食落系仲有肉汁嘅～ 唔会话整到过熟！
仲有好赏心悦目嘅蜜糖芥茉酱同应该系（蒜头🧄？！）伴碟，望落去系好睇嘅～ 同我一齐食𠮶个人话⋯⋯切落个样好似食紧中式烧肉㖞～🤭🥴🥴
黑松露意大利长通粉
咁我哋两个都钟意食黑松露嘅，咁佢嘅香味系好够，同时系有正常Carbonara嘅应有水准，长通粉亦都唔会话渌得太冧，咁我哋两个都食得好满足啦～
冰砖鸳鸯🥤
睇份Menu嘅时候已经觉得好特别，咁我哋两个都好好奇啦～ 所以我就冒着瞓唔着觉嘅风险，叫咗嚟试吓！ 店员姐姐好细心咁样讲解，冰砖其实系特浓咖啡整成嘅～ 所以要等佢溶咗落杯嘢饮度，啲咖啡味先会出㖞～ 佢又补充，你可以试吓冰砖未融𠮶阵嘅味道。咁我饮完之后都觉得好特别，起初有好浓嘅奶茶味，之后就真系好鸳鸯，但又唔系茶餐厅𠮶种。我谂系咖啡方面有落过功夫，系有少少唔同啦！😌
Tiramisu🤩🤩
以前人哋话女仔有两个胃我都唔信嘅，宜家开始信信哋⋯⋯🤭😂 佢话食落好足料，又有佢钟意嘅士多啤梨🍓，佢食得好开心～😚之后佢仲话啲咖啡粉都落得好够，搞到佢食完成晚都瞓唔着㖞～🤪🤔 咁我都同意系好食嘅，因为食落唔太甜、可接受，又有我钟意嘅鲜忌廉。
餐前小食
6 浏览
0 赞好
0 留言
冰砖鸳鸯 + Tropical Forest
6 浏览
0 赞好
0 留言
冰砖鸳鸯
5 浏览
0 赞好
0 留言
香草厚煎猪鞍扒
8 浏览
0 赞好
0 留言
黑松露意大利长通粉
4 浏览
0 赞好
0 留言
Tiramisu
20 浏览
0 赞好
0 留言
Tropical Forest
12 浏览
0 赞好
0 留言
Parma Ham 配蜜瓜片
6 浏览
0 赞好
0 留言
牛肝菌忌廉汤
3 浏览
0 赞好
0 留言
张贴
