理想餅店

营业中

休息中

每星期都会经过，必定会帮衬佢嘅绿茶红豆麻糬泡芙，如果卖晒就好伤心… 今日特登唔食晚餐，试埋佢个芒果拿破仑蛋糕，佢个拿破仑蛋糕有几个生果味道，下次先试埋其他。绿茶红豆麻糬泡芙：超好食，所有嘢一齐食个感觉超夹，麻糬唔会太甜，唔系超级烟靭𠮶只，不过啱啱好，应该系粉嘅比例少啲，入口好滑！个绿茶红豆吉士系偏苦少少，个人口味相系钟意嘅（呢款我已经重复食咗第六次，仍然系咁钟意）今次试嘅芒果拿破仑蛋糕：冇百度酒店咁好食。佢冇咁多层，但系每层比较厚，算系松化𠮶只、唔系脆𠮶只酥皮！中间嘅吉士酱都几多，食嘅时候都知晒出嚟，性价比中等不过我都会试埋其他款嘅拿破仑蛋糕。