Thirty First of May (已結業)

好食既餐厅系值得重来!今晚又黎位于荃湾大坝街既Thirty First of May,同老公开餐。今次同上次唔同,上次系散叫,今次我系叫二人套餐$588 加埋一就埋单$647头盘:三文鱼牛油果沙律,依然都系唔失望,食材都系鲜~卖相颜色丰富,味道搭够,令到成个人都好开胃,准备好今晚既二人餐。餐汤我同老公都依旧系一个点黑松露野菌忌廉汤,一个点是日餐汤,上一次食既是日餐汤系蕃茄甘荀薯仔忌廉汤,今次系票米汤,两款味道,黑松露野菌忌廉汤完胜。接住就系蒸笼上台既蒜蓉多士。主菜:黑松露野菌意大利饭!! 超 好 食! 浓味道不特止,意大利饭既咬口系完美,而饭既湿干就刚好,粒粒分明,又有DD芝士相伴。A5和牛眼扒(5成) 开心系切好晒上台,话5成真系5成,配埋薯蓉同蒜油,PERFECT!! 今晚真系相当满足,又够饱。已经无位食甜品。好可惜当晚既生蚝卖晒TVT 问我食唔食焗蚝,呜呜唔要。今晚先留意到,餐厅有室外的座位,吸烟既顾客可以拎埋你杯酒坐出去食热烟饮酒,之后再行返入黎。Thirty First of May地址 :荃湾大坝街5-7号仁蕙苑地下3-4号舖电话号码:24338383营业时间:星期一至五1