丸十日本食堂 (已結業)

打完风又落哂风球咁，终于有啲时间带妈妈出去玩下食下好野，知妈咪中意食日本菜，见葵芳新都会开左间丸十，就带佢去试一试，睇相见到呢间日本餐厅环境座位都几宽敞几舒服，啱哂同屋企人去 ，唔洗坐到逼逼夹夹咁，去到唔洗等位直入，叫左刺身、拖罗，仲有牛肉丼饭。最好味就系温泉玉子伴烧和牛丼，烧到岩岩好，肉质唔会好干好柴，牛味都重，每旧size都几大旧，岩岩好围左个碗一圈。最fail最唔合格就系吞拿鱼、拖罗刺身，完全无新鲜既味道，拖罗仲有根，有啲失望。另外刺身盛不过不失。