穴 (世貿中心) (已結業)

难得约到friend出黎铜锣湾食饭，梗要食好野啦，左谂右谂最后就选左呢间系世贸中心的穴。呢间餐厅环境十分舒适，令人可以好好enjoy咁食番餐美味的日式料理！首先叫了少见的炸软壳蟹沙律，软壳蟹炸得好松脆好香好juice ，而且啖啖肉，食落仲系热辣辣超正。至于沙律菜就好新鲜，又爽又甜，加埋酸酸带柚子香的酱汁，非常清新又开胃！哇～非常精致的章红鱼薄切黑松露带子，未食都觉得超正。清甜的章红鱼切得超薄，真系少啲刀工都唔得啊，连埋鲜甜美味的带子粒及虾肉，及味道又香又浓郁的黑松露一齐食，可以话口感一流，味道层次丰富。这个是芝士青瓜鳗鱼卷物，鳗鱼都烧得几好食，加上芝士同青瓜的配搭，口感同味道都变得异常丰富！一客香葱呑拿鱼腩寿司，呑拿鱼好新鲜，而且食落口好滑入口即溶！另外叫了几款串烧有烧秋葵、烧冬菇、鸡翼串及梅酱紫苏鸡！每款都烧得刚刚好，唔会烧到好dry，非常出色！比较特别的是梅酱紫苏鸡，未食过这款酱，食落酸酸地带紫苏独特的味道，加到鸡肉上都几好食！这个是薯丝虾佐蛋黄他他酱，造型都几特别，而且好食！薯丝炸到脆卜卜，但入面的虾肉仲好爽口弹牙，一啲都没干晒。加上我喜欢的蛋黄他他酱，整个味道同口感都非常丰富！