影片
更多
2021-05-24
1244 浏览
之前系mira个官网见到佢买紧The French Window嘅set，仲要话经官网买唔使再收加一，$458有4个course，仲要系The French Window，大家都知间餐厅系可以望到临海维港夜景，二话不说就买咗个coupon自己一个人去试下！个coupon系有写明边日用嘅，但系我究竟使唔使再打去book位呢？呢个问题都缠绕左我几日！于是我再打去餐厅问下，佢就同我讲你coupon book咗果日就会自己同餐厅book咗㗎啦，话会之前一日打嚟confirm booking㖞⋯⋯但系我去之前果一晚，餐厅都冇打嚟同我confirm Booking，我都惊咗阵唔知果晚有冇得食！到咗用餐当日，一去到餐厅门口，见到冇reception counter嘅？原来佢要九曲十三弯咁行到最入个餐厅先见到！我去𠮶阵时六点，去到都已经有四五台客坐咗喺度，应该全部都系食不同嘅eshop set。由于佢比我早到，所以厨房方面都应该要应付左个几台先，见到佢哋食咗好多轮，成个钟之后先俾个蘑菇汤我，好在有个靓景陪住我咋！个汤一放上枱就闻到一阵好劲嘅黑松露味！但饮落就冇，应该就系黑松露油，个汤好饮嘅，足料！再之
个coupon系有写明边日用嘅，但系我究竟使唔使再打去book位呢？呢个问题都缠绕左我几日！于是我再打去餐厅问下，佢就同我讲你coupon book咗果日就会自己同餐厅book咗㗎啦，话会之前一日打嚟confirm booking㖞⋯⋯但系我去之前果一晚，餐厅都冇打嚟同我confirm Booking，我都惊咗阵唔知果晚有冇得食！
到咗用餐当日，一去到餐厅门口，见到冇reception counter嘅？原来佢要九曲十三弯咁行到最入个餐厅先见到！我去𠮶阵时六点，去到都已经有四五台客坐咗喺度，应该全部都系食不同嘅eshop set。由于佢比我早到，所以厨房方面都应该要应付左个几台先，见到佢哋食咗好多轮，成个钟之后先俾个蘑菇汤我，好在有个靓景陪住我咋！
面包
19 浏览
0 赞好
0 留言
黑松露蘑菇汤
15 浏览
0 赞好
0 留言
再之后就嚟咗个Parma ham salad，都系𠮶啲沙律菜上面有几块Parma ham咁，d Parma ham就好似唔系好够油水，干咗dd，食到落底先知原来有几片蜜瓜，应该原本攞嚟伴Parma ham食嘅。
Parma ham salad
14 浏览
0 赞好
0 留言
到主菜啦！我呢个系焗龙虾煎牛柳鹅肝，个龙虾好细心咁将个身嘅肉分咗做3份，蟹钳就放咗喺个头个凹位度，加咗少少啡菇去焗，好好食！牛柳佢就冇问过我咁帮我煎到7成熟，虽然咁熟，但切落去好柔软，又有牛味，纤维唔粗，好细嫩！鹅肝就冇鹅𠮶一阵苏味，煎到两面脆，食落去唔会好油！
焗龙虾煎牛柳鹅肝
15 浏览
1 赞好
0 留言
最后甜品系焦糖炖蛋，个焦糖劲厚，又脆，但个炖蛋就实咗少少，overall系好嘅！
焦糖炖蛋
16 浏览
0 赞好
0 留言
以呢个价钱，咁嘅景有4个course都算系咁！
临走嘅时候佢叫我试下个oyster and grill set，心谂贵唔贵嘅呢？原来门口都有贴出嚟！我就影咗俾大家睇下！唔贵㖞其实！
张贴
