第八站咖啡廳 (已搬遷) 新店位置

今日冬至， 我特意放自己一日假同妈咪逛街买食材准备晚餐。所以中午就在附近找地方吃了。呢间楼上cafe系朋友介绍的， 位置稳秘。时间有点早， 所以只有三数枱客人。午市套餐一共有7款， 我地第一次嚟，于是就请店家介绍。佢推介西班牙无骨猪扒，唔怕肥嘅我仲拣了肥版猪。妈咪就食煎鸡扒。餐汤是蘑菇汤， 够热，味道都ok。肥版西班牙猪扒 （另有瘦版可选）就系我至爱，厚身脂肪够但唔腻，肉质柔软多汁肉味浓，食落有油香兼特别的滑。主食配左意粉，意粉用蒜片炒香简单但惹味。妈咪嘅鸡扒好大块，初初冇睇清楚，咬落闻到有浸酒香味， 再睇餐牌先知佢其实是醉鸡扒， 难怪咁香口同软嫩啦！ 鸡皮煎到脆卜卜，平时妈咪都会走皮，但呢块佢全部食哂。 天气转凉， 我就勉为其难饮了甜梅蜜，酸酸甜甜时，几开胃。