第八站咖啡廳 (已搬遷) 新店位置

今日冬至， 我特意放自己一日假同媽咪逛街買食材準備晚餐。所以中午就在附近找地方吃了。呢間樓上cafe係朋友介紹的， 位置穩秘。時間有點早， 所以只有三數枱客人。午市套餐一共有7款， 我地第一次嚟，於是就請店家介紹。佢推介西班牙無骨豬扒，唔怕肥嘅我仲揀了肥版豬。媽咪就食煎雞扒。餐湯是蘑菇湯， 夠熱，味道都ok。肥版西班牙豬扒 （另有瘦版可選）就係我至愛，厚身脂肪夠但唔膩，肉質柔軟多汁肉味濃，食落有油香兼特別的滑。主食配左意粉，意粉用蒜片炒香簡單但惹味。媽咪嘅雞扒好大塊，初初冇睇清楚，咬落聞到有浸酒香味， 再睇餐牌先知佢其實是醉雞扒， 難怪咁香口同軟嫩啦！ 雞皮煎到脆卜卜，平時媽咪都會走皮，但呢塊佢全部食哂。 天氣轉涼， 我就勉為其難飲了甜梅蜜，酸酸甜甜時，幾開胃。