euro go go (已結業)

今日去左去屯市行街买野，行到咁上下，肚仔饿饿地，就去医肚！我地路过euro gogo 都好似好耐冇去，好挂住佢个蜜糖鸡翼同焗田螺，就二话不说就拣左呢度！呢度都唔算难揾位，咁另一个就去叫野食，我地叫左2个下午茶餐，蜜糖鸡翼＋法式焗田螺，另外就每次都必叫既ICE PEACH TEA，只系加多$8，个人认为好好饮又超值！食极都唔厌既蜜糖鸡翼，每次食都系唔停口，外皮干身得黎里面好嫩滑，以前黎食一定叫2客先觉得够！呢个又系，好鬼好食，田螺加上薯蓉好滑，加埋芝士，好邪恶！每次必叫之选