Mamaday (已搬遷) 新店位置

趁周末约细妹去尖沙咀行街食嘢，细妹想食西餐，之前朋友讲有一间装修好特别，餐牌食物名好特别、而且食物质素有保证嘅西餐厅，反正都喺附近就去试吓！入到去内里装修五颜六色，而且每张枱面都不同花样，非常有食欲！首先叫了一碟海洋生物沙律～一上枱真系哗咗一声，蟹籽多到爆，加上炸过的大虾和带子，仲有新鲜水果捞埋同食，口感层次丰富！求其是但乜都咋啦～顾名思义就系样样都有，有吉列炸虾，吉列蚝、炸芝士同埋炸薯条，样样都非常脆口，点上沙律酱同茄汁一齐食，简直系绝佳配搭！有蟹Go又有蟹肉的蟹蟹蟹意大利扁面～一听个名就知道劲爆蟹肉爆蟹膏，再加埋大量三文鱼子，每条扁面都沾满大量蟹膏蟹肉蟹籽，真系超级超级好味道😋蒜蓉虎虾pizza ～大大只虎虾铺面，大量芝士下边铺满薯蓉，食落真系与别不同，爽弹的虎虾配上软棉嘅薯蓉，又估唔到出奇地夹！紫薯窝夫～窝夫内加入大量紫薯焗制而成，外脆内软，搽上紫薯蓉同云呢拿雪糕一齐食，冰火交融，好食指数爆晒灯！焦糖脆脆沙冰～咖啡沙冰，加上焦糖脆脆，饮落口感好特别，为呢个炎炎夏日带来冰凉消暑嘅感觉！益力多柚子沙冰～益力多加柚子蜜打成的沙冰，棉棉滑滑，口味清新，非常解喝！