影片
更多
2010-11-15
23 浏览
先黎基本资讯，今次系同个 fd 一齐去食，时间系星期四晚大约八点我同个 fd 两个人夹埋差唔多 500 磅可想而知我地会食得几狼~ 叫左乜野：烟三文鱼汉堡套餐、安格斯牛肉汉堡套餐，跟餐两个普通薯条合并成一个 honey & garlic 酱捞薯条，饮品系芒果同草莓乳酸；后来追加一个黑椒烟熏牛肉汉堡 + 六只炸鸡中翼 (跟两只酱，但唔记得左叫咩名了)埋单几钱：两个人食，唔记得总共 $136 定系 $139 了，总之每人约 $70 吧一去到就有位，lucky 间铺个门面真系细，我钉十字架咁既姿势摊开双臂，已经几乎掂到两边墙铺内得两张台仔，坐起黎多少都有 d 焗促 拎起餐牌，我第一个反应系：好平㖞 d 价钱贵唔得过 mos burger、老麦呢 d 几多，汉堡套餐都只系 40 蚊楼下同个 fd 谂左一阵，就决定叫两个套餐，请厨房帮手对切两个汉堡大家都唔想食太多薯条，就同个伙记倾下佢提议两个普通薯条合并成一个捞薯条，我地当然 ok 啦~等左一两个字，野食陆续备妥我先试烟三文鱼 burger唔，虽然烟三文鱼系应该冻食，但 burger 冻馅既感觉唔系太美妙馅料入面，生菜、蕃茄同埋 d 烟三文鱼都
我同个 fd 两个人夹埋差唔多 500 磅
可想而知我地会食得几狼~
叫左乜野：烟三文鱼汉堡套餐、安格斯牛肉汉堡套餐，跟餐两个普通薯条合并成一个 honey & garlic 酱捞薯条，饮品系芒果同草莓乳酸；后来追加一个黑椒烟熏牛肉汉堡 + 六只炸鸡中翼 (跟两只酱，但唔记得左叫咩名了)
埋单几钱：两个人食，唔记得总共 $136 定系 $139 了，总之每人约 $70 吧
一去到就有位，lucky
间铺个门面真系细，我钉十字架咁既姿势摊开双臂，已经几乎掂到两边墙
铺内得两张台仔，坐起黎多少都有 d 焗促
拎起餐牌，我第一个反应系：好平㖞
d 价钱贵唔得过 mos burger、老麦呢 d 几多，汉堡套餐都只系 40 蚊楼下
同个 fd 谂左一阵，就决定叫两个套餐，请厨房帮手对切两个汉堡
大家都唔想食太多薯条，就同个伙记倾下
佢提议两个普通薯条合并成一个捞薯条，我地当然 ok 啦~
等左一两个字，野食陆续备妥
我先试烟三文鱼 burger
唔，虽然烟三文鱼系应该冻食，但 burger 冻馅既感觉唔系太美妙
馅料入面，生菜、蕃茄同埋 d 烟三文鱼都系好平凡既货色
cream cheese 亦都唔见得好香，面饱我就估系嘉顿之流
但系食多两啖，谂下呢个 burger 跟餐叫都只系 3x 蚊
好好丑丑都系坚既烟三文鱼，你仲想点丫~
食完半个烟三文鱼 burger，又拎起个牛肉 burger
嗯~ burger 馅都系应该热先至好食
茄汁、mustard、牛肉、生菜、蕃茄、芝士、酸瓜
斋睇张 list，content 就好似老麦个足三两咁
但系用 3x 蚊价位既连锁店 burger，根本无法同呢度比
整个饱用料水准虽然未至于正到令人拍手掌
但系个 burger 餐 32 蚊咁足料就好难得
净系块肉就已经有 heart，唔系连锁店果 d 颓废汉堡扒
虽然唔肯定佢系咪自家制，但至少都系用碎牛肉打出黎既肉饼
讲材料既鲜香同埋 burger size，连锁店就更加无得比
再黎食薯条，个捞薯条系用细型既焗饭锡纸兜装住，都几大兜
honey garlic 酱我评价就唔太高，主要系 garlic 味唔突出
薯条亦都唔见得好厚料，里面有 d 松散，应该系买现成番黎炸
但系个 fd 一句问到：「三十几蚊你想食龙肉？」
咁又真系唔应该怨 d 咩既~~~
杯野饮就... 算 ok 啦，一般 cafe 货色
但系 3x 蚊个餐，可以拣既野饮有成廿款，而唔系得可乐雪碧美莲达
已经系一个 tribute
后尾追加左一个黑椒烟熏牛肉 burger 同六只炸鸡中翼
个 burger 唔系用碎牛肉整肉饼，而系一片片牛肉片做馅
黑椒味淡左些少，但系风味上都有 d 似 ooo 个 roast beef burger
再睇多次个餐牌，28 蚊，仲想点？
反而要讲讲 d 鸡翼，可以话系唯一败笔
间野叫 wings to go，我 expect 佢 d 鸡翼应该要好好食
但系炸到出黎，咬落去，我第一个反应系「平平无奇」
自己买鸡中翼番屋企，用南乳酱腌完炸，应该都惹味过佢
拣左一只田园酱，仲有另一只唔记得叫咩名
总之两只酱个味道就差唔多，唔至于 impressive
之前三个饱食到我哗哗声，呢半打鸡翼实在系有 d 反高潮
埋单计数，每人食左 1.5 个 burger，半兜薯条，三只鸡翼
我谂正常人咁样食的话，应该会饱到行唔出铺头
仲要只系每位 $70 都唔够，味道胜过同价位既连锁店一大截
就算同 ooo 呢个价位既 burger 店比，都仲有性价比呢个卖点
我谂以后如果落到红磡果一头，呢间会系 top priority
唯一要担心既就系... 呢度会唔会做唔住执笠
张贴