Cube O - Journey with Seajellies

营业中

休息中

如果你女朋友中意大自然同特色嘢，就一定要带佢嚟荃湾新开嘅水母馆🐙可以经杨屋道行到cocoduck斜对面、或者citywalk天桥过去。一上到八楼气氛即刻唔同哂，有啲似池袋sunshine city水族馆，为咗水母能够有个舒适生活空间，可以明显感受到温度比外间低，环境亦较阴暗宁静。餐厅只做晚市，每张餐桌都安排喺一个小型水族箱旁边，可以近距离观赏到不同品种嘅水母。我地拣咗二人套餐，包两个头盘、两份餐汤、一份二人份量主菜、餐饮及是日甜品，为咗配合返水族馆主题，点选嘅都系海鲜类菜式。海龙王沙律＞蟹肉、鱼爱啫哩、西兰花冻汤 冻汤介乎水与酱之间，质感较绵滑，充满西兰花嘅蔬菜味；按店员教嘅方式将鱼汤啫喱、蟹肉拌匀食，一啖食到多层口感，清淡但又能激起唾液分泌。浩海三重奏> 烟三文鱼、酥炸鱼皮、黑鱼子酱、 酸忌廉炸鱼皮上盛载烟三文鱼同鳕鱼子，烟三文鱼正常发挥，鱼皮受潮后略失脆感，感觉以platter分开摆会好啲。龙虾奶昔> 龙虾汤、马斯卡邦尼芝士忌廉龙虾汤海鲜味浓，卖相精致，初看以为系咖啡或甜品；随碟配上一条mozzarella夹心嘅手指小麦包，外脆内软，比松软餐包更适合搭配浓稠嘅汤汁。