Blues by the Bay (已結業)

同朋友食厌港岛区, 自La Villa后我地继续尖沙咀揾食, 今次我拣呢间拥有正正无敌维港景餐厅浪漫.当晚我地坐outdoor, 唔系好热, 如果串烧阵烟味唔咁劲的话, 感觉仲好! 其实我坐系度觉得自己劲似游客, 星光大道都系因为今次而被我走过咋!一开波先讲佢地service, 因为真系好好, 始于开餐前经已发觉到! 原先我地留台系留9点, 但临时早半个钟, 开初被安排坐一张好近串烧档台, 由于阵味劲得制, 我同朋友都不时用手拨气, 侍仔留意到, 主动行埋话有张台埋紧单俾我地转. 我地行埋去时仲执紧台, 呢个时候另一侍仔带四条鬼入想俾佢地坐; 我同朋友心谂人地四个人仲话留台, 我地实要返转头! 点知侍仔甲唔俾佢地坐, 话我地都留位, 搅到我地鬼咁唔好意思...叫一个唔记得名沙律, 一个牛仔肉南瓜饭同中东甜枣蛋糕. 沙律有蟹肉同磨菇, 一般般; 牛仔肉南瓜饭初时吃落味道有点怪, 南瓜汁捞埋香饭愈吃愈有味, 但牛仔肉唔够嫩, 可惜! 至于个甜枣蛋糕几甜, 有点点似carrot cake, 可以一试!每人一个椰青, 好风景!