Falcone

营业中

休息中

Black sheep集团旗下嘅意式餐厅，主打非传统拿玻里薄饼、各种意粉。一如既往嘅风格，定价较高+用心嘅装修。店员基本上都系外国人，落单讲英文。背景音乐有啲大声，只可以walk-in，90分钟用餐时间，难啲倾耐计。*Spinaci e Provola $238薄饼系非传统拿玻里薄饼，取其技巧、食材制作Falcone牌薄饼。外圈有厚度，比较干身，内圈超级薄身、好湿润，一攞起啲馅料会滑走。馅料有菠菜、provola芝士，加埋少少辣椒酱，好惹味，芝士奶味恰到好处。Diavola $248今次馅料系番茄、芝士、莎乐美肠，非常辣，而且甜味重啲。Rigatoni alla Genovese $248粗管通粉韧度啱啱好，配搭牛肉酱、焦化洋葱，肉酱嘅浓厚+甜又软腍嘅洋葱，味道丰富、带各种风味，大推！Pasta e Fagioli $228其实系类似通粉汤，配白腰豆、意式烟肉粒，仲有红萝卜粟米粒粒。酱汁好厚身，有豆蓉嘅沙沙口感，个人觉得意粉配豆一般般。