BRICK LANE Deli (已結業)

今次同朋友黎到沙田，之后经过呢间cafe，而个时有D饿所以就入左黎医肚。咁我地就叫左烟三文鱼薄饼、流心蛋芝士烟肉意大利面、松露薯条同埋水果茶。个烟三文鱼薄饼虽然睇落就一般，但系佢整到个底够脆够香口，有D似食紧薯片咁，而加埋三文鱼令到成个薄饼升华左。至于个流心蛋芝士烟肉意大利面，店员拎黎嘅时候已经闻到好香芝士味，而菇同烟肉嘅份量都比较多，所以落去好香同会觉得有饱肚感。而佢个汁加埋蛋黄令到佢更加香口好味。之后松露薯条炸得好好，一黎唔会太油，二黎又够脆，一流，又唔会令人觉得好似食左好多油落肚咁。而佢个松露酱都好香好味，配埋薯条简直冇得顶。另外佢嘅分量都多，抵食。而杯水果茶就都几好饮，而且有水果嘅味可以冲淡上面D野食嘅浓味，感觉健康D。