影片
更多
2021-08-21
1688 浏览
又一年被困于香港，好耐冇去日本旅行散心，原本约左同朋友一齐去东京黎一个美食之旅都唔得。不过好彩香港系一个美食天堂，有唔少日本餐厅可以填补心灵嘅空虚～😋上星期同朋友去湾仔觅食，无意中发现咗一间位于厦门街嘅隐世小店，Chotto Maki 嘅招牌系一个好可爱嘅日本娃娃，佢地嘅外卖袋都好靓～😍我地一入到店内就见到一个主打健康食物嘅零食架，专门卖干果、燕麦类嘅营养产品。另一边就放有几张餐枱，堂食嘅人唔算多，目测大多数人都系外卖拎走🥡～ 仲有一个小小嘅区域放有筷子、豉油、wasabi 等 🥢，方便食客自助进餐。由于龙虾卷系餐厅嘅新款式，所以只有显示屏幕先有～另外仲有炸鸡小食、乌冬、面豉汤同埋各色各样嘅特色饮品，例如日本进口嘅苹果汁同埋白提子汁。除左餐牌上面嘅寿司卷，食客仲可以自由配搭出个人口味 👍🏼经过一轮争扎之后，我地最后拣左一份Lobster rolls、一份Black Magma rolls 同埋一客三文鱼寿司🍣✨落单之后，店员即场为我地制作寿司卷，每一条饭卷都非常足料，仲捕捉到佢地用火枪炙烧三文鱼嘅画面 😍 不久，一盒8件嘅寿司卷就新鲜出炉 😋Black Magma Roll $72第一
上星期同朋友去湾仔觅食，无意中发现咗一间位于厦门街嘅隐世小店，Chotto Maki 嘅招牌系一个好可爱嘅日本娃娃，佢地嘅外卖袋都好靓～😍
我地一入到店内就见到一个主打健康食物嘅零食架，专门卖干果、燕麦类嘅营养产品。
另一边就放有几张餐枱，堂食嘅人唔算多，目测大多数人都系外卖拎走🥡～ 仲有一个小小嘅区域放有筷子、豉油、wasabi 等 🥢，方便食客自助进餐。
由于龙虾卷系餐厅嘅新款式，所以只有显示屏幕先有～
另外仲有炸鸡小食、乌冬、面豉汤同埋各色各样嘅特色饮品，例如日本进口嘅苹果汁同埋白提子汁。
除左餐牌上面嘅寿司卷，食客仲可以自由配搭出个人口味 👍🏼
经过一轮争扎之后，我地最后拣左一份Lobster rolls、一份Black Magma rolls 同埋一客三文鱼寿司🍣✨
落单之后，店员即场为我地制作寿司卷，每一条饭卷都非常足料，仲捕捉到佢地用火枪炙烧三文鱼嘅画面 😍 不久，一盒8件嘅寿司卷就新鲜出炉 😋
Black Magma Roll $72
第一款介绍嘅寿司卷系Black magma rolls～ 之所以叫black magma 系因为佢面头有一层黑芝麻酱，加上鲜带子碎同埋蟹籽沙律酱。
而饭卷嘅中心系我最爱嘅葱吞拿鱼蓉，十分足料，每一口都食到带子嘅鲜味同埋葱吞拿鱼蓉嘅香味 😋👍🏼
Lobster Roll $98
第二款系好受欢迎嘅龙虾卷，净系睇佢嘅卖相已经好吸睛！面头有青芥末、炙烧三文鱼同好健康有益嘅牛油果🥑😍除左龙虾卷，贴心嘅店员仲喺盒内放左几粒酸萝卜解腻 👍🏼
重头戏就系中间大大件嘅龙虾肉🦞，同埋一条条好特别嘅豆。牛油果🥑口感细腻绵密，烧过嘅三文鱼油脂丰沛🍣，再加上爽口鲜甜嘅龙虾肉，完全系味觉同视觉嘅享受😋✨
三文鱼寿司 🍣 $29
最后点少得大件厚切嘅三文鱼寿司🍣，真心好足料，三文鱼长长一片，鱼油分布均匀，鲜味十足，为当日嘅聚餐画上完美句号。
好耐冇食过咁惊喜嘅餐厅，除左外卖袋同埋餐盒精致之外，食物同样高质，仲要唔洗加一👍🏼
我地有时间一定会再黎试其他口味嘅卷物，绝对称得上大件夹抵食😋私心想推荐埋俾外国食客，所以标题用左英文🤣
张贴
