釣魚翁 燒鵝．海鮮飯店 (已結業)

侄仔搭飞机返加拿大, 今早同佢饮餐茶当 farewell, 时间都早, 8 点几, 唔使等位。店舖都算光猛宽敞, 坐得舒服。点了侄仔钟意食嘅叉烧包, 烧卖, 鲜竹鱼肚扎以及凤瓜排骨饭, 而我本人就钟意食姜汁千层糕, 泰式芋丝饼, 咖哩鲜鱿, 仲有咸水角。芋丝饼煎得㶶了少少, 但味道 ok, 将ㄧ丝丝嘅芋头煎成饼状, 都系考功夫嘅。咖哩鲜鱿好味, 唔太辣, 鱿鱼唔靭。咸水角唔掂, 望落已经好油腻, 食落唔脆口, 失望之作。姜汁千层糕热辣辣, 好有姜汁味, 烟烟靭靭, 钟意食甜品嘅朋友可以ㄧ试。