PizzaExpress (已結業)

同事Last day, 一行7人去食个farewell dinner, 食pizza!我地选左个6人餐- 2个salad, 2个pizza, 2个pasta, 2个小食同6杯饮品，应该够食挂。果度有个 waiter比较”敏捷”，唔少心倒左柠茶系同事既手机上面，仲要反应劲慢，搞到同事有d不满，好彩冇坏。讲到上菜，呢间都比较慢，佢一次上2个菜，6个饿鬼跟本唔够食，唔使1 分钟已经清空….有d dish 冇咩特别，但以下呢几个可以抽出来讲下:清新南瓜蓉薄荷沾酱-南瓜松子酱以蒜蓉、辣椒、橄榄油及松子仁拌成幼滑沾酱，件上数个新鲜焗起既迷你包仔，用黎点沾酱，仲有意式焗肉丸伴碟，味道唔错，好清新。其实我好喜欢食佢d 包!龙葵菇及白蘑菇配以蘑菇芝士汁 烤焗,最后洒上碎蕃茜，都唔错。蜜糖鸡肉薄饼- 有烤蜜糖鸡肉、ricotta 芝士、车厘茄、 烟肉、迷迭香、罗勒、柠檬，有少许蜜糖味，唔太甜，味道岩岩好。软心芝士薄饼- 以软心芝士、LECCINO 橄榄、车厘茄、罗勒、辣椒油、巴马臣芝士、迷迭香、玉米蓑成, 比起有肉果个pizza仲好味, 岩哂素食者。野菌蝴蝶粉用意大利野菌、蘑菇汁、松露菌油做，比较清淡。