影片
更多
2009-10-21
今日跟去年暑假的 intern 同事食饭，好耐无见喇。大家都想食越南菜，系湾仔我觉得芽庄最好。认识芽庄因为以前系中环工作时同事介绍的，午饭时间真系好多人，湾仔店的情况无咁严重。记得几个月前见到隔离台order的烧牛肉捞朦，牛肉大大旧又好香，印象深刻，所以今日就叫黎试下。朋友仔话想食沙律就发版叫了一个大虾柚子沙律。1. 大虾柚子沙律 – 两只虾烤得好靓，食落虾头有膏，柚子唔酸，好多好多炸过的蒜片，蒜味唔大可以接受，配上腰果，有咬口又好味。2. 烧牛肉捞朦 – 牛肉两大串，好香lemon grass味，食落仲有一丝丝的香茅，捞朦的配料好足有青瓜丝、甘荀丝、生菜丝、炸过的蒜片，汁料用樽另上，个樽几靓而且干净，要赞下。点菜时闻到隔离台的牛肉汤河，香浓的牛骨汤味又突然谂起佢的蒜蓉饱都好好味，好想食呀，不过见好瘦的朋友仔无咩兴趣，自己都算减紧肥所以放弃了。临走时见到墙上的海报，佢地系Ocean Terminal开左新铺呀。虽然Rice Paper都好味，不过始终有少少fusion的味道而且若贵，以家系TST想食越南菜又多一个选择喇。
大家都想食越南菜，系湾仔我觉得芽庄最好。认识芽庄因为以前系中环工作时同事介绍的，午饭时间真系好多人，湾仔店的情况无咁严重。
记得几个月前见到隔离台order的烧牛肉捞朦，牛肉大大旧又好香，印象深刻，所以今日就叫黎试下。
朋友仔话想食沙律就发版叫了一个大虾柚子沙律。
1. 大虾柚子沙律 – 两只虾烤得好靓，食落虾头有膏，柚子唔酸，好多好多炸过的蒜片，蒜味唔大可以接受，配上腰果，有咬口又好味。
2. 烧牛肉捞朦 – 牛肉两大串，好香lemon grass味，食落仲有一丝丝的香茅，捞朦的配料好足有青瓜丝、甘荀丝、生菜丝、炸过的蒜片，汁料用樽另上，个樽几靓而且干净，要赞下。
点菜时闻到隔离台的牛肉汤河，香浓的牛骨汤味又突然谂起佢的蒜蓉饱都好好味，好想食呀，不过见好瘦的朋友仔无咩兴趣，自己都算减紧肥所以放弃了。
临走时见到墙上的海报，佢地系Ocean Terminal开左新铺呀。虽然Rice Paper都好味，不过始终有少少fusion的味道而且若贵，以家系TST想食越南菜又多一个选择喇。
张贴
