一心素食 (已結業)

之前听一心素食呢个名，系因为佢推出超平下午茶，今次就试下佢既晚市小菜，嗌左个套餐试下。松露忌廉汤，有好重既松露味，有啲碎既菇菌，而汤身好滑溜，非常creamy，不过唔系纯素，而系奶素。有奶既成份，食纯素既人要注意了。而鲜果咕噜肉就加入咗唔同嘅生果，好似有火龙果 菠萝、三色椒、蜜桃，等等嘅蔬果，连埋炸好嘅素肉， 捞埋甜酸汁，非常开胃，素肉表面好脆， 而且热辣辣，好似食紧真肉咁， 食肉兽都会钟意，完全唔觉得食紧斋。而炒饭就炒得好干身，配上菜粒同杂菇粒，仲有些少鸡蛋， 咸咸香香，大家好快清碟。但咁多𩠌入面我，最钟意都系呢个咖哩素腩，入面有好多唔同嘅蔬菜，有西兰花椰菜花甘笋等等，而且素腩做得好逼真，有啲肉汁咁， 咬落去唔觉得系食紧大豆制品，就好似食紧真肉咁，咖哩虽然唔辣，但有少少椰香，个汁好好送饭，呢个系必食之选。另外pizza系有芝士拉丝，加上一啲杂菌，不过饼底就好似印度薄饼，而唔系一般嘅pizza底，比较软身， 饼边先觉得有啲脆，但点咖哩都唔错。