大堂吧

营业中

休息中

星期六夜晚去红馆睇草蜢,为左方便就黎火车站呢头揾野食n 谋杀时间。本来想去cafe colorado但重门深锁,似乎已经结业!!经过台北婚纱广场之后入左都会海逸,见到饼柜d蛋糕好似好好味,不如就系呢度坐坐先。coffee corner无位,小姐问我坐唔坐梳化??why not??仲好添!!所以佢带左我坐呢个大堂吧,但可以叫蛋糕食, yeah!坐系舒服既梳化,旁边又有d常绿植物包围,睇下书又睇下酒店大堂人来人往,坐几耐都无人理你,感觉好正!!蓝莓芝士蛋糕:呢个系侍应小姐推介,佢话呢款蛋糕好出名云云。蛋糕质感偏硬身,系我钟意类型,good!!芝士味道唔太浓,可以再浓少少更妙;口感几幼滑,唔错!!蓝莓酱酸酸甜甜,配合埋微酸既草莓汁,可以中和番芝士蛋糕个种漏,的确唔错!! 以前我系唔食蓝莓芝士饼,但寻日唔知点解又想食,仲要食左件唔错既,真系开心。冻Cappuccino: 上台有三截色,面头泡泡好厚好挺,但唔滑啰,我总系觉得d泡有d假=p 咖啡味道真系麻麻,无香味,真系唔似饮紧咖啡,呢个唔得。p.s:饼柜入面有个手袋形蛋糕,造型几得意,但舍唔舍得食呢??