茴香 (已結業)

同朋友约咗好耐先约到出黎食饭，一约到，朋友就即刻介绍呢间fusion餐厅俾我，话呢间系泰式fusion餐厅。泰西小食拼盘 $138拼盘有去骨酸辣凤爪、虾饼、泰式春卷、巴马火腿蜜瓜卷、蜜糖鸡翼、烟三文鱼卷，估唔到泰式小食拼盘入面会有巴马火腿蜜瓜卷同埋烟三文鱼卷。马拉盏炒通菜 $68平时食既马拉盏通菜用咗好多马酱，令到食落既时候味道太浓，呢个反而清清地，味道唔会太浓。芭提雅烧羊鞍配泰式青咖喱汁 $218呢个羊鞍好有惊喜，我地叫咗五成熟，一上碟已经觉得碟𩠌好靓，而且咖喱汁系啱啱煮好既，上碟既时候仲睇到佢沸腾既泡泡移动，羊鞍亦都好嫩，每一啖都食到羊既味道同嫩滑，真心推介👍🏻泰国芒果糯米饭配是日蛋糕 $108又系另一推介之作，因为我地去食既时候已经唔系芒果既季节，但芒果食落去仲好鲜甜同Juicy，另外，糯米饭都做得好出色，配合酱汁，食落真系好满足，而今次既蛋糕系Tiramisu，食落虽然无平时既Tiramisu咁浓酒香，味道偏淡，但唔会抢咗芒果糯米饭既味道。店员真系好nice，佢地会不时留意顾客需唔需要加水或收拾餐枱。