影片
更多
2009-12-14
25 浏览
日期：2009年12月12日时间：下昼四点食到四点半食品：一人前英式下午茶 顶层：一件一开四既软松饼 + 一件焗好而硬身的提子松饼 + 一小碗酸酸的黄梅果酱 --- 开胃之选, 因为果酱够酸, 适合做头盘 中层：摆得几有「意境」（乱？）的咸点 --- 有虾, 有火腿, 有烟鸭胸, 夹著硬身的面包, 有紫生菜（？）同埋苦丁菜伴衬 --- 老实讲, 不过不失, 起码我唔觉得难食, 或许正正有苦丁菜可以中和肉的咸味 底层：Mini Size 的黑朱古力草莓 + 法式炖蛋 + 芝士饼 --- OK啦, 我连草莓叶都食埋 餐饮：有花茶可供选择 --- 但... 我当日原本想叫奶茶, 偏偏叫左杯浓过普洱既锡兰红茶, 苦到呢... 有意外惊喜, 原来食完每层食物, 呷一口苦苦的红茶, 系可以清一清味道, 洗洗味蕾咁, 结论系大家最好叫花茶, 或者苦苦既黑咖啡或者红茶, 千祈唔好叫甜饮, 包你食完整份tea set, 快快生「飞滋」...************************************************我都系向开饭网
时间：下昼四点食到四点半
食品：一人前英式下午茶
顶层：一件一开四既软松饼 + 一件焗好而硬身的提子松饼 + 一小碗酸酸的黄梅果酱
--- 开胃之选, 因为果酱够酸, 适合做头盘
中层：摆得几有「意境」（乱？）的咸点 --- 有虾, 有火腿, 有烟鸭胸, 夹著硬身的面包, 有紫生菜（？）同埋苦丁菜伴衬
--- 老实讲, 不过不失, 起码我唔觉得难食, 或许正正有苦丁菜可以中和肉的咸味
底层：Mini Size 的黑朱古力草莓 + 法式炖蛋 + 芝士饼
--- OK啦, 我连草莓叶都食埋
餐饮：有花茶可供选择
--- 但... 我当日原本想叫奶茶, 偏偏叫左杯浓过普洱既锡兰红茶, 苦到呢... 有意外惊喜, 原来食完每层食物, 呷一口苦苦的红茶, 系可以清一清味道, 洗洗味蕾咁, 结论系大家最好叫花茶, 或者苦苦既黑咖啡或者红茶, 千祈唔好叫甜饮, 包你食完整份tea set, 快快生「飞滋」...
************************************************
我都系向开饭网睇到喱间有平价English Tea先走去试, 自从睇左cable N年前《活得好滋味》介绍既English Tea, 心郁郁想去试, 但都拖到而家先去试...
喱间意味, 我记得cable系冇介绍过, 应该系喱一两年先开始供应; 如果同半岛喱啲酒店所卖既English Tea去比较, 根本冇得比; 如果唔系抱住食平野 AND / OR 试下食English Tea风味既心态, 你会觉得好痛苦, 只会谂住点解唔够酒店咁好食, 咁就失真; 所以今次English Tea体验, 我都觉得满意, 当我自己系大乡里出城, 开下眼界咁...
可能向最少客人时段去, 所以都觉得好悠闲, 如果唔系为咗赶住返屋企睇港日足球大战下半场, 都会愿意坐耐啲...
我会推介English Tea畀大家去试, 切记, 唔好同半岛𠮶啲比较, 否则最好唔去, 免得自己激心...
假如食野只系为咗揾气受, 咁所有食物都只会有一种意义: 饱肚...
张贴
