臺北棧 (荷李活道) (已結業)

中环半山区，都有好嘢食，上嚟半山区，我哋经自动电梯上到嚟。荷李活道一带好多酒吧林立。夜晚更加兴旺。今次晏昼上嚟 约朋友行一行，见有间check in咪入嚟check check佢啦，坐低两支公，一个叫咗碗牛肉面，刀削面加溏心蛋。我叫个双骨面，猪软骨鲨鱼骨豆腐汤面，软骨同以前一样好食嘅，一样系刀削面加糖心蛋 ，呢个都几好食 。跟住呢个盐酥鸡三件酥皮薄，入口唔腻，六粒花枝丸，粒粒都咁大粒。炸得够。爽脆。乌醋茄子茄子加乌醋都系好味小吃，倾下讲下食下好快入口。饮嘢就一个珍珠奶茶，台式包装，封顶，粗饮管，我就试下台湾南嘅冬瓜茶，清甜解热。