Follow (已結業)

同朋友阔别多年，难得一聚，为食嘅佢就follow我食Follow。隔条马路已经认得佢同埋Follow。餐厅外面已经系小花园，放置咗各种小盆栽、攀爬植物。室内环境都有心思，枱上有烛台、小灯泡等，增添气氛。黎到就叹个二人餐。头盘有足料凯撒沙律，有几片富咸香味嘅Parma Ham。沙律上面洒满芝士，果仁增添脆口口感。是日餐汤系椰菜汤 ，将椰菜打至蓉，口感较杰，味道清新。前菜有意大利云吞，好「芝」味，一咬就食到blue cheese味。蕃茄酱微微带酸，中和咗芝士嘅腻。主菜肉类二选一，选择烧西班牙猪鞍配薯菜，为是日惊喜。猪鞍好厚身，但一啲都唔嚡，亦唔会似落咗好多松肉粉咁散晒。肉质外烧到香脆，内柔软，富满肉汁。伴碟有烧蔬菜同薯球。木板上嘅一点点系Washabi薄荷酱，增加味道层次。另一主菜系酸奶忌廉封门柳阔条面。封门柳七成熟，口感柔软。肉味十分浓郁。第一次食加入酸奶嘅忌廉汁，有微微酸奶味，好特别。质地比平时更浓郁、杰身。阔条面煮得刚刚好，每一条都平均沾上忌廉汁沟少少牛肉肉汁嘅浓厚酱汁。饮品用黎打卡一流，两个富士山分别系焙茶鲜奶同士多啤梨鲜奶。焙茶同牛奶比例好好，而士多啤梨鲜奶酸酸甜甜。整体值得二访