cookedDeli by city'super (已結業)

约左三五知己，唔一定要去靓餐厅食野，有时食下food court 都几好，多选择，每个人都可以拣自己想食既菜式。超鳗鱼定食（大盛饭）：个鳗鱼真系好惊喜，拍得住喺日本食𠮶d铺头。肥大肉厚，冇得输。铁板南蛮他他酱定食：个炸鸡好juicy，个他他酱仲好夹件炸鸡，件鸡仲一啲都唔油。酱汁牛肉饭：呢个韩式牛肉饭，真系估你唔到，好味过好多韩国餐厅整出嚟嘅烧牛肉饭。博多屋豆腐花：个豆腐花加咗用桂花整既糖水，感觉好清新，唔太甜。日式滑蛋猪扒饭：比较下个滑蛋猪扒饭就冇咁好喇！因为个猪扒唔太脆。和风章鱼丸：粒章鱼丸唔错，真系揾倒有章鱼㗎。