元八拉麵 (已結業)

放工唔知食乜好, 一心谂住揾日本野食, 奈何想食既周围都爆满, 而且荷包告诉我不可食贵野, 行行重行行, 就黎到CITY SUPER food court 一直都知道CITY SUPER既food court唔会差得去边, 但始终对food court有戒心, 因为以前不快经历总比好既多 拣左几间, 下定决心食元八, 原因, 系因为佢个样感觉日式! 叫左个叉烧拉面猪骨汤, 另加一只糖心蛋, 好快已经有得食, 叉烧卖相比我想像中好! 一食更加喜出望外, 肥瘦得宜, 而且咁既size有4块我已经觉得唔算, 只蛋亦溏心 (不过就贵左d, 半边蛋好似要加10蚊) 要弹既系配菜, 其实我唔明点解香港既拉面咁多地方都系用大量既椰菜, 红萝卜丝等等, 虽然我唔抗拒, 不过我觉得唔多配合啰... 而且虽然叉烧足料, 但个面份量少左d, 好在我果日唔肚饿...