Chatuchak (已結業)

嚟铜锣湾选购日用品，行咗唔够个半钟就已经开始有啲攰，有人提议不如上希慎 food court 坐低，休息下，顺便食个 early lunch。喺场内行咗一圈，见到有间以「Chatuchak」命名嘅食肆，店铺主打泰国地道美食，反正我俩也很久没吃过泰菜，就一于试试。餐牌有翟道翟推介、泰式汤粉、街头炒粉面饭、芭堤雅特式沙律、串烧、小食、甜品及饮品等，选项清晰，一目了然。我哋点咗招牌海南鸡饭 ($68)、鲜虾炒金边粉 ($64)，另外仲有小食同饮品。海南鸡饭大大碟，份量十足。鸡皮色泽鲜明，呈金黄状态，皮同肉中间还有一层薄薄嘅啫喱，入口皮爽肉滑，啖啖肉又无骨，配泰式辣酱，惹味非常。伴吃嘅油饭水准亦很不错，饭身油润，粒粒分明，食落烟韧有咬口。另外碟饭仲配咗碗汤，入口清甜无味精。至于另一客金边粉亦很有特色，虾只鲜爽弹牙，金边粉炒至湿润，吃时再拌入碟旁嘅花生、砂糖同辣椒碎粒，甜、酸、咸、辣共冶一炉，充满泰国风味！跟餐小食就拣咗虾饼 ($24) 同 春卷 ($24)，两款都系新鲜即炸，入口热辣辣，虾饼爽弹有虾味、而春卷亦非常足料，香脆可口。食得泰菜就梗系要叹番杯泰式饮品先够完美，杯泰式奶茶 (跟餐+$1