Pepper Lunch (新都會廣場)

营业中

休息中

当知道葵芳新都会广场开左Pepper Lunch 后一直都想试，但冇奈每次都大排长龙。今日终于系food court 外都食到Pepper lunch。系门口已经闻到好大阵铁板烧味。等左20分钟先入到去，估唔到Pepepr Lunch 都有雪糕食，梗系要一试啦。必食铁板黑椒牛肉饭，落左单后，店员会把铁板送到枱上，热辣辣既铁板，周围都感受到佢既热力，同果阵"芝芝"声，令人急不及待要捞混佢。望住d牛似由生变熟，口水都流哂。捞完一轮终于食得，热辣辣咁放入口，成口都充满热力，可惜黑椒味欠奉，唯有人手加。有少少辣，干身既牛肉 加上爽甜既粟米粒，仲有少少饭焦，真好味。粟米粒份量ok唯牛肉就少左d。食完就试埋个朱古力雪糕~第一眼以为系M记个雪糕新地，啱啱食完热辣辣既铁板就转食冻冰冰既雪糕，都惊会唔会肚疴，个雪糕就一般~d朱古力酱唔甜，有d粒粒楱子增加口感~雪糕个质感唔错，好实但就唔系咁滑。