濟州燒肉食堂

营业中

休息中

德福广场二期比人嘅感觉系人流少，位置隔涉，原来上层食肆林立。一个迷你Food court有齐多国菜式，大部分唔属于连锁店，而价钱亦相对高。于济州烧肉食堂如食客光顾烧烤部份，就会有餐厅职员服务；如只点普通套餐或饭类，则要自行去公众座位，自助点餐机购买。食物方面 - 人参鸡汤配白饭︰半只黄油鸡份量，肉味偏淡，但经肴煮后带出轻微人参味，感觉健康开胃。中间酿入糯米饭，每粒都吸收所有鸡油及汤底精华。汤底有好多人参粒、几粒粉软栗子，甘苦与清甜集结，足料参汤拌饭就唔觉意食咗2／3碗珍珠饭。(注︰紫菜珍珠饭大大碗，煲得软糯但唔散烂，硬度适中。)传统炒粉丝︰烧酱甜度适中，炒粉丝弹牙入味。加上海量配料、蛋丝、椰菜、甘笋丝、肉粒、菇菌等，味道丰富。唯一系油份太多，好重脂腻饱济感，就算味道不错都难以完食。总结︰虽然食材唔系高级，但厨师调味方面却系有诚意，会按香港人口味而改变。主食份量多，女士需要共同分享，男士可以有丰富饱足感。性价比中级。