影片
更多
2022-10-11
129 浏览
睇咗某YouTuber介绍呢间位于大角咀大型商场Food Court入面嘅沾面店，抱住一试无妨的心态去试，行到店前果段路一直观察其他食客有冇享用呢间店嘅出品，沿途不乏支持者，有拉面有沾面，估唔到仲有丼饭选择，平日下午时间都有咁多人帮衬，质素应该有保证，我都放下心头大石。到店前睇吓餐牌，价钱相对其他拉面店相宜，六十零至八十零蚊已经有个沾面，由于唔肚饿关系，随便点咗个豚肉鱼介沾面试下，店员落单果时都冇其他师兄所讲咁差，都有问有答，咁唔好要求佢可以选择咩面条，咩汤底浓厚度果啲，呢度系一一欠奉，对拉面或沾面有要求嘅都系去番其他店啦。落完order比左个取餐器我，揾一揾位，坐低櫈都未坐暖，取餐器话都冇咁快响，心谂有冇咁快呀，见个餐正正常常，沾面汤底用石头窝装滚住上菜，汤底上面有大量鱼介粉，面嘅份量都唔少，配三块叉烧、两条笋、半只流心蛋、葱花同紫菜，望落卖相唔错。石头窝上可以保持汤嘅温度，不高有冇谂过会减低咗汤底水份，再加上大量鱼介粉，另到汤底更浓同时更咸，汤底捞起果时入面有角豚粒，算系有惊喜，不过冇惊喜嘅系都系好咸，补充一句我食完饮咗成支蒸馏水。配菜流心蛋、笋果啲问题都不大，问题在于主菜叉烧，调
到店前睇吓餐牌，价钱相对其他拉面店相宜，六十零至八十零蚊已经有个沾面，由于唔肚饿关系，随便点咗个豚肉鱼介沾面试下，店员落单果时都冇其他师兄所讲咁差，都有问有答，咁唔好要求佢可以选择咩面条，咩汤底浓厚度果啲，呢度系一一欠奉，对拉面或沾面有要求嘅都系去番其他店啦。
落完order比左个取餐器我，揾一揾位，坐低櫈都未坐暖，取餐器话都冇咁快响，心谂有冇咁快呀，见个餐正正常常，沾面汤底用石头窝装滚住上菜，汤底上面有大量鱼介粉，面嘅份量都唔少，配三块叉烧、两条笋、半只流心蛋、葱花同紫菜，望落卖相唔错。石头窝上可以保持汤嘅温度，不高有冇谂过会减低咗汤底水份，再加上大量鱼介粉，另到汤底更浓同时更咸，汤底捞起果时入面有角豚粒，算系有惊喜，不过冇惊喜嘅系都系好咸，补充一句我食完饮咗成支蒸馏水。配菜流心蛋、笋果啲问题都不大，问题在于主菜叉烧，调味同口感出咗事，薄切，调味偏甜，带有火炙过嘅焦香味，有种似层相识嘅感觉，冇错，系啦，就系日本杯面附上嘅叉烧感觉。面就属于偏粗，要夹起都有难度（利申：本人非正宗揸筷子），未落汤前试一试，温度系冻嘅可能过咗冷河关系，食落都有咬口感觉，不过拉面落汤再拎上嚟唔会系热嘅感觉，挂唔挂汤都系其次，挂咗又真系好咸。
赛后检讨：环境冇问题，厨房店面干净，服务员态度Food Court我冇要求，只求效率，快真系好快，落order到出餐应该冇五分钟，呢间店真系行过心血来潮想平食拉面/沾面而又唔想排队的选择，始终附近有更好选择，专登去食就唔会啦。
张贴
