小巨蛋

营业中

休息中

Food court 都有高质台湾菜小编系乐富呢个foodcourt都食过无数次，食既不外乎几间，近期惊喜地发现呢度开左几间新小店小编都未食过既，就决定要揾时间试哂呢几间新野，今日食既呢一间「小巨蛋」就有小编喜欢既台湾菜。鸭血花蛤米线(麻辣汤小辣)自从去过台湾食过鸭血之后，小编深深地被呢样美食迷住，呢度鸭血细旧但胜在厚身，口感滑嫩，吸哂麻辣汤。花蛤爽口，带鲜味，麻辣汤辛辣刺激，但都易入口。台式花蛤粉丝(胡椒汤)屋企人最喜欢呢个，胡椒汤味超浓郁，粉丝索汤，一啖汤一啖粉超正，仲有一大块金菇，好味。莲藕肉饼意想不到地好食！莲藕肉饼食得出粒粒爽脆莲藕，厚身得黎，煎到外脆内软，多汁。三味盐酥鸡(芝士酱、酸瓜乳酪酱、泰式酱)盐酥鸡本身已经好好味，炸到干脆不油腻，沾上不同酱，又变成另一风味，小编最中意泰式酱，好似冬荫公，有泰式的酸甜辣，完全将台式的盐酥鸡变成泰式口味，好味又别具特色！红糖冰粉红糖冰粉滑溜不太甜，不错，面头仲有少少果干，增添少少香甜。一刻果汁(番石榴，蜜桃)佢地仲有埋台式饮品，不太甜好饮。