鐵板燒 (已結業)

睇戏前有45分钟食晚饭，本来想去商场一间有名气嘅西餐厅，可惜无时间排队，去food court希望快食一餐，朋友拣咗呢间，坐低我叫咗个铁板羊柳套餐（$89）加$15多个小菜同特饮，我拣咗菜甫煎蛋，芦荟蜜桃红茶（少冰）不过无得少甜，其实除了主菜，都唔知套餐有乜嘢，先上一碗清汤，再来推堆芽菜，有黑芝麻白饭，油墨菜，菜甫蛋，蒜粒羊柳，全部师傅会烧好放响坐位前嘅钖纸上，即烧一定够热，铁板烧一定会油，不过可接受，配合汤同饭，𩠌菜味道唔错，半小时搅掂，主菜羊柳粒唔苏，淋身唔韧，配合蒜粒食，好正！菜甫蛋一般，食咗朋友嘅主菜牛肩扒粒，淋身唔韧，但无乜牛味，我觉得羊好味道啲！朋友的椒盐豆腐较干，一般！红茶真的有少冰，有芦荟粒，不会太过甜，清一清油腻感!几满足！地方全部向铁板，可以见到师傅炒每一味菜，因为无卡位，全面向铁板，我两个人倾偈无问题，人多就倾唔到，地方干净，最紧要抽风几好，唔会食完成身味！侍应勤快，有问必答！