潮丸 (已結業)

餐厅同个名一样都几潮嘅设计，行新派粉面档路线，有小小怀旧冰室嘅感觉，lighting应该精心研究过，等你望落啲食物好似发紧光咁；细心留意发现店员s都好后生。每枱放左三款唔同嘅辣椒酱，honey中意食辣，试哂三款酱，中间红色个只好够辣，好奇问起店员，先知道系师傅自己调配嘅，而橙色偏咸，黄色略有酸味，系海南岛嘅黄灯笼椒，honey觉得各有风味，推荐辣椒仔女去㖞~虽然menu有更亮眼嘅选择， 不过我哋决定叫啲普通野试下佢嘅基本功，所以拣咗牛三鲜同埋猪三鲜。首先登场牛三鲜，汤底睇落浓郁，饮落几有住家feel，听闻汤底系招牌货，熬左好耐同埋无味精，饮下饮下就冇咗一半，哈哈。啲河粉唔碎，系我比较钟意既幼条河粉呀~ 牛肚好淋，够浓味，牛腩爽口，有咬口，瘦肉多，声称减肥嘅我就啱啦，牛筋属于弹口质感，我中意淋啲，不过honey中意呢种口感，哈哈。至于猪三鲜呢，扎肉好ok wo! 肥瘦均匀，有猪肉既酥香，我觉得几真材实料，比起某啲越南餐厅更好食，腩肉嘅肥膏部分入口即溶似绵花，冇油益味，唔会觉得好腻，腩部分又唔会似猪肉干咁硬，似乎拣左靓猪肉，入货时应该细心挑选过，猪三鲜大推！另外加配左两款小食，清汤萝卜冇渣