辛手村 (已結業)

辛手村餐厅好多朋友推介，一定要试试！麻辣黑松露/日式寿喜烧味干锅原来系餐厅自家制，可以试吓自家制特色口味～ 每晚去到9:30就会开始调教灯光，感觉好似酒吧，非常Chill！韩式芝士麻辣干锅拣咗BB辣，味道有少少香辣，我哋拣咗配料猪颈肉、蟹柳、午餐肉、莴笋、莲藕，同个锅都好夹，够入味。有少少芝士嘅香味有轻微麻辣，相当惹味！嚟到呢度当然唔少得食串烧拣咗几份包括川味扇贝经典猪颈肉岩焼厚切牛舌心川烧鱿鱼须串 扇贝系好香辣同埋有好多粉丝吸味！经典猪颈肉比较厚切同埋爽口，油香十足。厚切牛舌心咸香十足，爽口而且里面好嫩滑。鱿鱼须串，香辣惹味，款款有惊喜！凤梨乌龙冰茶芭乐乌龙冰茶两款冰茶都系小清新，唔会太甜，连同串烧一齐食就Perfect match。