影片
更多
2010-05-07
51 浏览
上个月试咗 Tony Roma’s 嘅 ribs, 今个月就衬 open rice提供𠮶张主菜 买 1 送 1 优惠券到期前嚟 Ruby Tuesday 试埋佢嘅 ribs. 昨晚打电话嚟订枱，订今晚 6:30 pm, 接电话的店员事先声明要 8 pm 前交番张枱。今日系星期五，知道一定人多，早啲食无谓同人迫，所以 6:10 pm 已经去到。 点选咗个Half rack baby ribs with honey barbecue sauce ($198), 而送嘅主菜就叫咗 Premium Wagyu Bacon Cheddar Burger ($168), 另亦点选了店员介绍嘅 potato skins, 因为做紧 promotion, 每份 $30. 呢度同Tony Roma’s唔同嘅系无免费餐前法包同牛油供应，至于个特价薯皮只得六块，薯皮上有层厚厚的焗芝士，加上烟肉碎，食落颇香口，实在不错，好在份量唔多，因为如果吃得多都会几漏。半份烧排骨配蜜糖烧烤汁，排骨比起 Tony Roma’s 𠮶个厚肉啲，肉质都好腍，不过肉汁就唔够 Tony Roma’s 嘅丰富，个蜜糖烧烤汁几惹味，配菜
呢度同Tony Roma’s唔同嘅系无免费餐前法包同牛油供应，至于个特价薯皮只得六块，薯皮上有层厚厚的焗芝士，加上烟肉碎，食落颇香口，实在不错，好在份量唔多，因为如果吃得多都会几漏。
半份烧排骨配蜜糖烧烤汁，排骨比起 Tony Roma’s 𠮶个厚肉啲，肉质都好腍，不过肉汁就唔够 Tony Roma’s 嘅丰富，个蜜糖烧烤汁几惹味，配菜系焗薯而唔系薯条，感觉健康啲，起码无咁热气
精选和牛芝士烟肉汉堡，店员极力推介，汉堡要左7成熟，送来时个包已经一分为二，但都好大个，一口咬唔晒，要分层嚟食，块牛肉都算几腍，但感觉仍与在日本吃的和牛有一段矩离，炸薯条只属一般货式
总括嚟讲食物质素唔错，店员服务过得去，不过 Tony Roma’s 比较抵食，埋单 $250.80, 原来送嘅和牛汉堡系唔需要照原价加一，值得称赞。 结账离座时只不过系 7:15 pm, 真系快过打针。
张贴
