Foxtail & Broomcorn (已結業)

今日80后既lunch就去左foxtail! 呢间铺头专食面 。一入到去哗我以为自己入左间西餐厅！佢既装修用左好多镜面，以湖水蓝为主色，坐得几舒服。虽然我入去既时候唔系话好多人，但我谂就算full哂时都应该唔会话坐得迫。有8－10种面比你拣，话多唔话，话少唔少咁啦。我今日拣左tokyo 面。呢个面底就好似拉面咁，汤就好似系鸡汤。配上温泉蛋，木耳，芫茜，大葱，冬菇同埋牛肋骨既料。食出黎感觉唔错，汤底好清好清，因为佢标榜冇味精！冬菇唔算好多，得几块，但系好滑好滑。佢个牛肋骨炆到好淋好淋，但都唔会一咬就散，亦都唔多肥肉系上面。木耳条爽脆。一碗面70－90蚊左右，份量充足，够食饱一个男人！头先讲到以为自己入左西餐厅，原来呢间铺既老细真系外国人黎！老细系瑞士人！佢就想做亚洲既面但系又想迎合西式市场，话哂间铺头系上环，多d外国人。但我觉得对香港人都系另一种尝试，试下d唔同既面！你知啦打工仔食lunch唔系饭就面架啦！Foxtail & Broomcorn上环苏杭街84号地下