影片
更多
2011-05-21
75 浏览
有幸得到OR送出嘅buffet voucher, 攞完之后直接去食，方便，不用再揾日子过海食一趟。地点唔难揾，落咗叮叮，再行7mins就到。个酒店大堂好靓，好grand，楼底又高。未够十二点去到，无得入住，尚未准备好。等到差唔多12点，见有几个师奶入咗，于是我地又去问吓入得未。个经理话其实未开始，不过俾我地入去坐住先。安排坐喺窗边位，个view 几正，望住个海。不过就较晒同较热。不过服务员都好醒目，佢问我野时，见我回答时眯晒眼，即刻话帮我落番个帘。场地都几大，望落食物种类好似好多咁㖞！等到12点多，就可以攞野食了~由于系Monday，所以人唔多，唔迫，攞野食又唔识排队。冷盘有蟹脚、青口、虾同蚝。试咗蟹脚、青口、虾，蟹脚解冻唔掂，好多水，味道虽唔会太咸，但肉质好鞋。青口一般，唔算新鲜，又细只。虾ok，大只又爽口。仲有好多款cold cut, smoked salmon, parma ham 之类，不过不失，但唔算特别。刺身、寿司就摆到同冷盘分得开一开，仲要摆近大门口。寿司卖相麻麻，仲要摆到去大门口，感觉唔太卫生。不过刺身就几好，新鲜，salmon 肥美。汤有中、西汤。中汤系雪耳煲猪展之类
地点唔难揾，落咗叮叮，再行7mins就到。
个酒店大堂好靓，好grand，楼底又高。
未够十二点去到，无得入住，尚未准备好。等到差唔多12点，见有几个师奶入咗，于是我地又去问吓入得未。个经理话其实未开始，不过俾我地入去坐住先。
安排坐喺窗边位，个view 几正，望住个海。不过就较晒同较热。不过服务员都好醒目，佢问我野时，见我回答时眯晒眼，即刻话帮我落番个帘。
场地都几大，望落食物种类好似好多咁㖞！等到12点多，就可以攞野食了~
由于系Monday，所以人唔多，唔迫，攞野食又唔识排队。
冷盘有蟹脚、青口、虾同蚝。
试咗蟹脚、青口、虾，蟹脚解冻唔掂，好多水，味道虽唔会太咸，但肉质好鞋。
青口一般，唔算新鲜，又细只。虾ok，大只又爽口。
仲有好多款cold cut, smoked salmon, parma ham 之类，不过不失，但唔算特别。
刺身、寿司就摆到同冷盘分得开一开，仲要摆近大门口。寿司卖相麻麻，仲要摆到去大门口，感觉唔太卫生。
不过刺身就几好，新鲜，salmon 肥美。
汤有中、西汤。中汤系雪耳煲猪展之类，够火喉，浓郁。西汤系杂菜汤，多料，不过不失。热盘种类都多，咖哩都有三款；有羊架、蒸斑块、蕃茄煮长通粉、柚子排骨、白汁mushroom炆牛肉、天妇罗、烧味、炒金边粉、凉拌牛展、拍青瓜、凉拌海蜇等。
柚子排骨好好食，好强柚子味，又多肉，唔会太多肥膏。
蒸海斑好好食，不过refill 后嘅鱼唔同咗，第一次𠮶d超正，好鲜好爽口。应该系青衣鱼柳。第二次𠮶d就似饮宴嘅海斑，肉质都好，不过有少少腥。
天妇罗正，炸嘅水准虽然一般，但佢个汁挽回不少分数，好配合个天妇罗。
凉拌海蜇ok, 不过有点韧，牛展就干身咗少少。
仲有即煮粉面，通常我都会食两碗。有河粉、金边、油面、米粉、乌冬等。
配料有虾、青口、鱼旦、狮子狗等。
第一碗要了虾米粉，由于系隔咗一阵去拎，拎嘅时候已经有汤，仲系清汤。个清汤清如水已知不妙，无错，的确系无咩味道，仲清过自己屋企煮。
第二次，师傅煮紧时，即刻问系咪有第2款汤，佢话仲有喇沙。
早讲啦，如果有喇沙我一定会拣喇沙啰！
喇沙好过清汤多多声，够浓味，有椰奶味，亦辣辣地好好食。米粉soak 晒喇沙汤，够味。
到甜品lu~~~~~~~一向我都唔好甜品，亦唔会投放太多quota 落去。但今次食完咸野之后，都未算好饱，仲有位食甜品。
个choclate cake 卖相得，味道都得，中间有层raspberry jelly, 酸咪咪，夹埋个cake一齐食不错。
movenpick ice cream, 原本好大期望，谂住会好好食啦...点知，佢地个冰柜唔够冻，d ice cream 毕嘅时候已经似软雪糕状，未攞到埋位已经溶...O mouth....溶得超快。
movenpick ice cream 又超甜，甜到喉咙痕。
waffle 反而好食，脆脆地，又唔太甜。
原来除咗果汁任饮之外，仲有餐茶。要咗冻柠茶，几好饮㖞，够冻又够茶味。
环境舒适，可以慢慢叹，认真唔错。
张贴
