茶救星球蔬果茶

营业中

休息中

呢排完全系柠檬茶，大热嘅时候啊基本上你行过旺角你都会见到有好几间柠檬茶店，今次我就试咗位于豉油街嘅茶救星球🌍因为听闻啲人话佢嘅苦瓜柠檬茶系唔错嘅，而且佢系苦瓜茶嘅首创者呢间舖头超级容易揾，因为远睇你见到佢一个好抢眼嘅招牌舖头都系以蓝色同绿色做主题嘅，而且佢哋应该系有一只signature嘅猪仔几可爱特别嘅佢入面有呢一句slogan 写住人生苦短，所以呢就要及时行乐咁唔知道饮佢个杯招牌苦瓜柠檬茶我又会唔会好enjoy呢？自问对苦瓜呢就冇抗拒嘅，但系我估唔到佢嘅苦瓜柠檬茶入口系好清新，尤其是你喺炎夏嘅时候饮简直系透心凉重点系佢唔会有一种苦涩嘅感觉而令一杯呢我哋就叫咗马蹄甘蔗奶茶，系坊间比较少有嘅一样饮品🥤入面有好多唔同嘅甘蔗同埋马蹄粒仲有好似一啲爱玉嘅配料，所以佢系好丰富嘅，饮落去仲觉得有好重嘅椰香味整体嚟讲都OK 㗎！而家每一杯嘅饮品，佢哋都会送一粒麻雀俾你饮多几杯就可以集齐到一套嘅小麻雀，所以下次我会再试吓其他饮品努力收集小麻雀🤣