Aldou Cafe (已易手) 新餐厅

朋友成日路过剧院同新元朗图书馆，见到呢间餐厅中午同晚上都成日满座，甚至有人喺出面排队等候，都知道佢一定系好受欢迎。于是今晚同朋友就去食吓，试一试佢系咪真系咁好食。 我叫咗一个前菜系白酒忌廉煮大蚬，主菜就系鸭肝手打牛肉芝士汉堡配薯条。Hm……Yummy!  大蚬一到，睇到肥dudu、大大只既蚬就知佢新鲜啦！即刻一口咬落去，哗，好香好新鲜呀！心里举起手指头! 我估唔到入黎呢间小餐厅有海鲜食，更估唔到佢咁新鲜（开头都只系谂住博一博），佢用白酒忌廉煮，唔会盖过蚬味，好match!跟住黎就系个鸭肝手打牛肉芝士汉堡配薯条， 成个包好丰富，中间夹咗个鸭肝手打牛肉，中间有菜有蕃茄有芝士，个包脆脆的。一切开，见到热腾腾既烟走出黎，一啖咬落去个鸭肝牛肉到，好juicy, 好林，唔散，可能佢沟咗鸭肝，令到牛既骚味冇咗，好好味，食落有几种口感，可encore!我明白佢点解成日都full, 好食得黎价钱都唔贵!