影片
更多
2024-09-08
307 浏览
寿々乃位于跑马地，住附近嘅都系上流社会有消费力嘅食客，位于高尚地段餐厅嘅路线都系相对高档，不过omakase 嚟讲算性价比好高，有好多道菜食材超新鲜而且份量都够饱～前菜系腐皮卷，白萝卜衬住比较咸嘅唐墨，送酒一流～嚟自冲绳嘅海藻水云酸酸地好开胃，加上白海胆味道好夹😋鳢鱼清汤碗物属于京都名物，鱼肉好鲜甜，味道有啲似鳗鱼或者鳝，但系唔好处就系多骨，所以家居系冇可能食到，好讲究师傅嘅刀工，用「骨千切」嘅方法每一寸斩26刀而唔可以割断鱼皮，斩成可以食嘅细骨。钟意柚子嘅味道可以用柚子浸耐啲汤，连住顺菜汤都可以饮。suzuki本身听到以为系车，原来系四国爱媛县嘅鲈鱼，蘸啲酸汁落少少紫苏花，清香鲜甜鱼肉又嫩滑～另一个鱼缟鲹可以话系深海池鱼王，厚切超香鱼味，每日新鲜空运到港非常鲜甜，脂肪结实肉质肥嫩，刺身质地纤细柔软，口感顺滑鲜甜🤩三重县嘅甘海老远近驰名，sashimi生食最甘香鲜甜，大大只口感有啲黏黏的，非常好吃😍餐厅另一个细心嘅地方系安排食物嘅次序，会照顾到食咗太耐刺身可能胃冷或者有啲腻，又会夹杂一啲热食。上咗一道炸沙甸鱼下酒一流，炸得香脆可口～紧接住北海道水八爪鱼两食，分别系脚同埋吸盘，有传统芥末
前菜系腐皮卷，白萝卜衬住比较咸嘅唐墨，送酒一流～嚟自冲绳嘅海藻水云酸酸地好开胃，加上白海胆味道好夹😋
鳢鱼清汤碗物属于京都名物，鱼肉好鲜甜，味道有啲似鳗鱼或者鳝，但系唔好处就系多骨，所以家居系冇可能食到，好讲究师傅嘅刀工，用「骨千切」嘅方法每一寸斩26刀而唔可以割断鱼皮，斩成可以食嘅细骨。钟意柚子嘅味道可以用柚子浸耐啲汤，连住顺菜汤都可以饮。
suzuki本身听到以为系车，原来系四国爱媛县嘅鲈鱼，蘸啲酸汁落少少紫苏花，清香鲜甜鱼肉又嫩滑～
另一个鱼缟鲹可以话系深海池鱼王，厚切超香鱼味，每日新鲜空运到港非常鲜甜，脂肪结实肉质肥嫩，刺身质地纤细柔软，口感顺滑鲜甜🤩
三重县嘅甘海老远近驰名，sashimi生食最甘香鲜甜，大大只口感有啲黏黏的，非常好吃😍
餐厅另一个细心嘅地方系安排食物嘅次序，会照顾到食咗太耐刺身可能胃冷或者有啲腻，又会夹杂一啲热食。上咗一道炸沙甸鱼下酒一流，炸得香脆可口～
紧接住北海道水八爪鱼两食，分别系脚同埋吸盘，有传统芥末同埋酱油渍wasabi，食法好多变化又弹牙又爽滑～
食完鲜甜嘅刺身有两款热食，分别系炸粟米同埋虾丸。长崎黄粟米比较重粟米味，北海道白粟米又比较鲜甜，各有千秋～富山嘅白虾炸成虾丸同港式嘅虾丸有啲差别，日式较软身易咬口感有啲似虾丸个口感似鱼腐。
最后到饱肚又美味嘅寿司，分别系金木鲷、关鲭，鱼生非常鲜美嫩滑，而昆布渍泡浸过嘅帆立贝特别软滑～紫苏叶配枪鱿鱼、北海道嘅新秋刀好好食，鱼生无须烹调，食材新鲜选料上乘就非常重要。师傅千挑万选日本各地不同嘅最佳食材，嚟自和歌山嘅吞拿鱼，长崎中吞拿鱼，大吞拿鱼腩同埋鱼生呈渐变色嘅天身，不同嘅大小同埋部位非常讲究，食落都有唔同嘅脂肪厚度同鱼油香味，食到停唔到口～
总括而言，钟意食日本野嘅朋友不妨试下呢间omakase，最精挑细选嘅食材，师傅都好健谈好客用心讲解每道菜，值得推介👍🏻
张贴
